ბასტილიის აღების დღესთან დაკავშირებით, საფრანგეთის საელჩომ საზეიმო ღონისძიება თბილისში გამართა.

ღონისძიებას საქართველოს თავდაცვის მინისტრი თინათინ ხიდაშელი, გენერალური შტაბის უფროსი, გენერალ-მაიორი ვახტანგ კაპანაძე და მინისტრის მოადგილეები დაესწრნენ. საზეიმო მიღება საფრანგეთის ელჩმა საქართველოში რენო სალენსმა გახსნა.

თინა ხიდაშელმა ფრანგ ხალხს ეროვნული დღესასწაული მიულოცა და საქართველო-საფრანგეთის ნაყოფიერ თანამშრომლობაზე გაამახვილა ყურადღება.

„ვულოცავ ფრანგ ხალხს ამ მნიშვნელოვან დღეს, თავისუფლების ზეიმს. ვულოცავ საქართველოში საფრანგეთის საელჩოს, საფრანგეთის ხელისუფლებას. საფრანგეთისა და საქართველოს ურთიერთობა ბევრ შედეგიან წელს ითვლის, თუმცა, შეგვიძლია ვთქვათ, რომ წლევანდელი წელი განსაკუთრებული იყო საფრანგეთთან გაფორმებული ხელშეკრულებებიდან გამომდინარე. დარწმუნებული ვარ, ეს თანამშრომლობა გაგრძელდება და უფრო დიდ მხარდაჭერაში გადაიზრდება“,- განაცხადა თინა ხიდაშელმა.

საფრანგეთის ელჩმა დღესასწაულის მნიშვნელობაზე ისაუბრა და საქართველოს ტერორიზმთან ბრძოლაში მტკიცე თანადგომის გამო მადლობა გადაუხადა. გენერალური შატაბის უფროსმა კი იმ სამხედრო პროგრამებზეც ისაუბრა, რომელსაც საქართველო საფრანგეთთან ერთად უკვე ახორციელებს.

„საფრანგეთი ჩვენი ერთ-ერთი აქტიური მხარდამჭერია. მათთან ერთად გარკვეულ სამხედრო პროგრამებს ვახორციელებთ. ფრანგები განსაკუთრებით აქტიურად არიან ჩართული სამთო მომზადების მიმართულებით. დაგეგმილი თანამშრომლობის პროგრამები კი კიდევ უფრო გააღრმავებს ქართულ-ფრანგულ ურთიერთობებს“,- აღნიშნა გენერალ-მაიორმა ვახტანგ კაპანაძემ.

საფრანგეთის საელჩოს მიერ ორგანიზებულ ღონისძიებას ასევე პრემიერ-მინისტრი, მინისტრთა კაბინეტის წევრები, საკანომდებლო ხელისუფლების წარმომადგენლები და დიპლომატები დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბოჭორიშვილი: ნაურუს მიერ მიღებული გადაწყვეტილება აფხაზეთისა და სამხრეთ ოსეთთან დიპლომატიური ურთიერთობების გაწყვეტის შესახებ, საქართველოს არაღიარების პოლიტიკის მნიშვნელოვანი გამარჯვებაა

საქართველოს ბანკის ფინანსური განათლების ეკოსისტემა - ინიციატივა, რომელიც ფინანსურ განათლებას ყველა თაობისთვის ხელმისაწვდომს ხდის

დუროვმა რუსეთში ტერორიზმის ხელშეწყობაში ბრალს ფოტოთი უპასუხა

ბერძენიშვილი: საზოგადოებრივი მაუწყებლის თანამშრომლებს არ აქვთ უფლება, სოციალურ მედიაში საკუთარი აზრი გამოხატონ