„ვფიქრობ, თავის პოლიტიკურ კარიერას ძალიან დიდი ბზარი გაუჩინა საკუთარი ხელით“, - ამის შესახებ ყოფილმა პრემიერ-მინისტრმა გიორგი კვირიკაშვილმა „TV პირველთან“ ინტერვიუში მოქმედ პრემიერზე, გიორგი გახარიაზე საუბრისას განაცხადა.

როგორც კვირიკაშვილმა აღნიშნა, მას შემდეგ, რაც 20-21 ივნისის აქციის დაშლისას რამოდენიმე მოქალაქე მძიმედ დაშავდა, გახარიას, რომელიც იმ დროს შს მინისტრი იყო, თანამდებობა უნდა დაეტოვებინა.

„როგორი პრემიერ-მინისტრი იქნება ამას დრო გვიჩვენებს. რაც შეეხება გადადგომას, მე ვფიქრობ, რომ ის პოლიტიკისთვის გაცილებით უფრო კარგად შეინახავდა თავს უბრალოდ რომ გამოსულიყო და ეთქვა... კი ბატონო მას და დარწმუნებული ვარ არავის მიუცია ბრძანება რომ ადამიანებს თვალში ესროლეთო, მაგრამ რადგან მოხდა ასეთი ამბავი, არსებობს პოლიტიკური პასუხისმგებლობის ცნება. მას რომ ეთქვა, ყველა ჩინოვნიკის სკამი შემოევლოს მაკო გომურის თვალს, მგონია, რომ ეს იქნებოდა მისი მხრიდან სწორი ნაბიჯი და ის პოლიტიკისთვის იქნებოდა ცოცხალი ადამიანი. რადგანაც ეს გადაწყვეტილება არ მიიღო, ჩემი აზრით მან თავის პოლიტიკურ კარიერას ძალიან დიდი ბზარი გაუჩინა საკუთარი ხელით“, - განაცხადა გიორგი კვირიკაშვილმა.

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა