2015-07-14 13:49:17, 427 ნახვა

---

სტიქიის შედეგად დაზარალებული პირების მიერ მიღებული სარგებელი საშემოსავლო გადასახადისგან თავისუფლდება

13-14 ივნისს თბილისში მომხდარი სტიქიის შედეგად დაზარალებული პირების მიერ ფინანსური ინსტიტუტისგან სასესხო ვალდებულების პატიების შედეგად მიღებული სარგებელი საშემოსავლო გადასახადისგან თავისუფლდება.

ამასთან, გადასახადისგან თავისუფლდება 2015 წლის 14 ივნისიდან 2016 წლის 1 იანვრამდე პერიოდში საქონლის/მომსახურების უსასყიდლოდ მიღების შედეგად წარმოშობილი სარგებელი.

შესაბამისი ცვლილებები "საგადასახადო კოდექსში" შევა, რომელიც მთავრობამ პარლამენტს განსახილველად უკვე წარუდგინა.

ამავე პროექტით, 2001 წლის 1 ნოემბრიდან 2005 წლის 1 ოქტომბრამდე პერიოდში ელექტროენერგიის მიწოდებიდან წარმოშობილი ვალის პატიების შედეგად ფიზიკური პირის მიერ მიღებული სარგებელი საშემოსავლო გადასახადისგან თავისუფლდება; ელექტროენერგიის გამანაწილებელი კომპანიის მიერ, 2001 წლის 1 ნოემბრიდან 2005 წლის 1 ოქტომბრამდე პერიოდში ელექტროენერგიის მიწოდებიდან წარმოშობილი ვალის პატიება არ ჩაითვლება მიწოდებული საქონლის ღირებულების ანაზღაურებად და, შესაბამისად, არ იქნება დღგ-ით დაბეგვრის საფუძველი

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი