საჯარო მოხელის პროფესიული განვითარების პროგრამებს, რომლებიც იუსტიციის სასწავლო ცენტრმა მოამზადა, აკრედიტაცია მიენიჭა. “მოხელის მენეჯერული უნარები” და “პიროვნული და პროფესიული კომპეტენციების განვითარება” - ეს ის პროგრამებია, რომლებზეც აკრედიტაცია 5 წლის ვადით გაიცა.

აღნიშნული საბაზისო პროგრამების გავლა სავალდებულოა მათთვის, ვინც საჯარო სამსახურში მოხელის თანამდებობაზე პირველად ინიშნება. საჯარო სამსახურს მსგავსი პროგრამები აქამდე არ ჰქონია და ეს პირველია, რომელზეც მოხელის პროფესიული განვითარების პროგრამების აკრედიტაციის საბჭომ იუსტიციის სასწავლო ცენტრზე აკრედიტაცია გასცა.

საჯარო სამსახურის რეფორმის მხარდაჭერის მიზნით იუსტიციის სასწავლო ცენტრი მზად არის უზრუნველყოს პროფესიული საჯარო მოხელეთა გადამზადების პროცესის სისტემური და ხარისხიანი წარმართვა.

როგორც ცნობილია, 2015 წელს მიღებული კანონი საჯარო სამსახურის შესახებ, სხვა საკითხებთან ერთად პროფესიული განვითარების პროგრამებსაც ითვალისწინებს.

(NS)

ავტორი: ექსპრესნიუსი,

სოციალური ქსელები

ალასკის სამიტის შემდეგ NATO-ს წევრმა სახელმწიფოებმა დეკლარაცია მიიღეს

აშშ-ის პრეზიდენტმა ანკარაში ზელენსკისთან შეხვედრაზე განაცხადა, რომ პუტინთან საუბარს აპირებს

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა

ტრამპი: აშშ ირანზე ახალი დარტყმებისთვის ემზადება