ფრაქცია „ნაციონალური მოძრაობის“ წევრი სალომე სამადაშვილი ხელისუფლებას 20 ივნისის საქმეზე დაკავებულ პირებზე ზეწოლაში ადანაშულებს.

როგორც სამადაშვილმა პარლამენტის პლენარულ სხდომაზე სიტყვით გამოსვლისას განაცხადა, ხელისუფლება ცდილობს დაკავებულებისგან ის ჩვენებები მიიღოს, რომელიც „საქმეების შესაკერად“ სჭირდება.

„20 ივნისის სისხლიანი ღამის ჯალათების დასჯის ნაცვლად, ხელისუფლება იმ ადამიანებზე, ვინც არიან დაკავებული, ახორციელებს სისტემატიურ ზეწოლას იმისთვის, რომ მიიღოს ის ჩვენებები, რომელიც სჭირდება პოლიტიკური საქმეების შესაკერად პოლიტიკური ოპოზიციის წინააღმდეგ. ჩვენ ამაზე გვაქვს სრული ინფორმაცია, ვიცით კარგად რაც ხდება დახურულ კარს მიღმა და ვიცით, რა გეგმები აქვს ხელისუფლებას“, - აღნიშნა სამადაშვილმა.

გარდა ამისა, დეპუტატის თქმით, ზეწოლა ხორციელდება არასამთავრობო ორგანიზაციებზეც, მათ შორის, წამების მსხვერპლთა რეაბილიტაციის ცენტრ „ემპათიაზე“.

„გარდა იმისა, რომ ურცხვად აწარმოებთ ზეწოლას დაკავებულ ადამიანებზე, ეხლა უკვე ხელისუფლებამ დაიწყო ზეწოლა იმ არასამთავრობო ორგანიზაციებზე, რომლებიც იცავენ 20 ივნისს დაშავებული ადამიანების უფლებებს. ამისთვის ჩართო საკუთარი პოლიტიკური რეპრესიების ინსტრუმენტად ქცეული სახელმწიფო მანქანა „ქართულმა ოცნებამ“. კონკრეტულ საქმეს მოგახსენებთ, არსებობს ორგანიზაცია „წამების მსხვერპლთა რეაბილიტაციის ცენტრი ემპათია“. როდესაც მე ჩავდივარ საოკუპაციო ხაზთან და ვხვდები ადამიანებს სოფლებში, თქვენგან მიტოვებულ ადამიანებს, ყველა მათგანი მადლობელია ამ ცენტრის იმ დახმარებისთვის, რომელსაც ეს ცენტრი უწევთ მათ. ისინი არიან მსხვერპლი რუსული ოკუპაციის, ნაწამები იმ რუსეთის საოკუპაციო რეჟიმის მიერ, რომლის მიმართაც სანქციების შემოღებას თქვენ გუშინ მხარი არ დაუჭირეთ აქ, საქართველოს პარლამენტში, ურცხვად. ამ ცენტრს, რომლის უშუალო დახმარების გარდა მსხვერპლებისთვის, მათ მიერ მიცემული ჩვენებები გამოყენებულია მათ შორის სტრასბურგში ჩვენი მოქალაქეების დასაცავად, თქვენმა ხელისუფლებამ, ჯანდაცვის სამინისტრომ გამოუცხადა ომი. მიუგზავნა კომისია, ცდილობს, რომ ამ ორგანიზაციას წაართვას ლიცენზია და ეს ყველაფერი დაიწყოს მას შემდეგ, რაც ამ ცენტრმა განაცხადა მზადყოფნა, რომ 20 ივნისს, თქვენს მიერ თვალებდათხრილი ადამიანებისთვის გაეწია სამართლებრივი დახმარება. ეს არის თქვენი რეალური სახე და ეხლა გინდ იყვირეთ, გინდ ნუ იყვირებთ. ამას აკეთებს თქვენი ხელისუფლება. დაინტერესდეს ჯანდაცვის კომიტეტი და მოიწვიოს ჯანდაცვის მინისტრი“, - განაცხადა სალომე სამადაშვილმა.

ავტორი: ექსპრესნიუსი,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა