„ნატო-ს საპარლამენტო ასამბლეაში დაბრუნების შემდეგ მე და ჩემი კოლეგები ჩვენს ქვეყნებს მოვუყვებით იმ პროგრესზე,  რაც უკვე არსებობს და ვისაუბრეთ იმ ნაბიჯებზე, რაც უნდა გადაიდგას“, - ამის შესახებ ნატო-ს საპარლამენტო ასამბლეის პრეზიდენტმა მედლინ მუნიმ საქართველოს პარლამენტის თავმჯდომარესთან, არჩილ თალაკვაძესთან შეხვედრის შემდეგ განაცხადა.    

როგორც მან აღნიშნა,  თუ საქართველოს  ნატო-ს ოჯახის წევრობა სურს, მან  ის ღირებულებები და ფასეულობები უნდა  გაითავისოს, რაც ამ ალიანსისთვის მნიშვნელოვანია.

„სიტყვებით ვერ გამოვხატავ, თუ რამდენად მნიშვნელოვნად მიაჩნია ნატოს საპარლამენტო ასამბლეას საქართველოსთან თანამშრომლობა და ევროატლანტიკური ინტეგრაციისკენ მისი გზისადმი მხარდაჭერა. მე უფრო ადრე ჩამოსვლა მსურდა, მაგრამ იყო მცირე სირთულეები, რომელმაც შემაჩერა. თუმცა, ეს დაყოვნება სარგებლიანიც აღმოჩნდა, რადგან მე ჩემთან ერთად მაღალი რანგის კოლეგები ჩამოვიყვანე  თურქეთიდან პორტუგალიასა და ლატვიიდან. ჩვენ ვსაუბრობთ, ვუსმენთ და ვხედავთ რა ხდება აქ. ჩვენ ლონდონში,  ნატოს საპარლამენტო ასამბლეაზე ოქტომბერში დავბრუნდებით და ჩვენს ქვეყნებს მოვახსენებთ იმ პროგრესის შესახებ, რაც უკვე არის და იმ შემდგომ ნაბიჯებზე, რაც უნდა გადაიდგას.   გზა დემოკრატიისადმი არის გზა, რომელიც მუდმივად განვითარებადია, იმიტომ, რომ საბოლოოდ ვერასდროს აღწევ დემოკრატიას -  ის ყოველთვის მიმდინარე პროცესია. ამ პროცესში ყოველთვის არის გამოწვევები და  განსაკუთრებით რთულია, როდესაც ახალი ხართ ამ გზაზე.  მესმის იმედგაცრუებებისიც -   ხანდახან, შეიძლება მოგჩვენოთ, ცვლილება  რომ ნელი ტემპით მიმდინარეობს,  განსაკუთრებით ახალგაზრდებისათვის. მნიშვნელოვანია, რომ ტემპი არსებობს. ბატონმა თავმჯდომარემ ბრძანა, რომ ის გახლდათ ნატოს საპარლამენტო ასამბლეის დელეგაციის წევრი და მე მსურს გითხრათ, თუ  რამდენად მნიშვნელოვანია ეს ურთიერთობები. როდესაც თქვენ  უკვე ამ ოჯახის წევრი ხართ, ჩვენ ვითხოვთ პასუხს იმ ფასეულობებსა და ღირებულებებზე,  რომლებიც ჩვენთვის მნიშვნელოვანია. მე ვიცი, რომ საქართველო მონდომებულია იყოს ამ ოჯახის მყარი, სრულუფლებიანი წევრი. ჩვენ ვუყურებთ პროგრამას, რომელიც ჩვენთვის არის შედგენილი და მე მსურს გითხრათ რომ ეს არის არაჩვეულებრივად კარგი პროგრამა. ეს არის უპირველესი მაგალითი იმისა, რომ ქვეყანას სურს დემონსტრირება მოახდინოს თავისი მზაობისა იყოს ღია და გამჭვირვალე“, - განაცხადა მედლინ მუნიმ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს