აქტივისტი ოკუპირებული ახალგორიდან თამარა მეარაყიშვილი შიმშილობას იწყებს, - ამის შესახებ ის Facebook-გვერდზე წერს. 

აქტივისტის განმარტებით, პროტესტის უკიდურესი ფორმა იმისთვის აირჩია, რომ ჟენევის საერთაშორისო დისკუსიების თანათავმჯდომარეები შეხვდნენ.

"დღეიდან ვიწყებ შიმშილობას. მხოლოდ წყალს მივიღებ. პროტესტის ამ უკიდურეს ფორმას მივმართავ იძულებით- მინდა შემხვდნენ ჟენევის საერთაშორისო დისკუსიების თანათავმჯდომარეები. ხელისუფლების მხრიდან, მესამე წელია სრულიად მიტოვებული ვარ. ცოცხალი თითქოს არავის ვაინტერესებ. ჩემი პროტესტი, მხოლოდ ცხინვალს არ ეხება, ეხება თბილისსაც. ჟურნალისტებს, გთხოვთ, დაინტერესდეთ, რათა ჩემს შესახებ პროტესტის ადრესატებმა გაიგონ. მეგობრებს სტატუსის გაზიარებას გთხოვთ", - წერს მეარაყიშვილი. 

ცნობისთვის, 2008 წლის აგვისტოს ომის შემდეგ თამარა მეარაყიშვილი ახალგორში დარჩა. 2017 წელს ცხინვალის ხელისუფლებამ ღია კრიტიკის საპასუხოდ მის წინააღმდეგ სისხლის სამართლის გამოძიება დაიწყო. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”

კახა კალაძე მოსულ ინტენსიურ ნალექზე: პრობლემურ ლოკაციებზე იმყოფებოდნენ შესაბამისი სამსახურები და ყველა პრობლემა აღმოიფხვრება