თავდაცვის ყოფილი მინისტრი თინა ხიდაშელი მიიჩნევს, რომ "პატრიოტთა ალიანსის" ლიდერის ირმა ინაშვილის მისვლა თბილისში მიმდინარე საერთაშორისო კონფერენციაზე კონკრეტულ მიზნებს ემსახურებოდა. 

ხიდაშელის თქმით, ოპოზიციონერი დეპუტატი კონფერენციაზე მაშინ მივიდა, როდესაც პანელი რუსეთის პოლიტიკის განხილვას ეძღვნებოდა. მისივე განმარტებით, ინაშვილს პანელის ჩაშლა ჰქონდა განზრახული.  

გარდა ამისა, ხიდაშელი დეპუტატის იმ განცხადებასაც გამოეხმაურა, სადაც მან კონფერენციაზე მისვლის მიზეზები განმარტა და ეს "ევროპული საქართველოს" წევრ გიგა ბოკერიას დაუკავშირა.  

"საერთოდ არავის უხსენებია, "პატრიოთა ალიანსი" ამ დღენახევრის განმავლობაში, სანამ თვითონ არ მოაწყო ეს შოუ და არ შემოვარდა კონფერენციაზე. არავის უხსენებია ისინი, რადგან არავისთვის საინტერესოები არ არიან. მსხვერპლის როლის თამაში ძალიან სასაცილოდ გამოიყურება. 
2 დღის განმავლობაში ვსაუბრობთ ძალიან ბევრ საკითხზე. სულ იყო 10 პანელი, რომელიც შეეხებოდა, ამერიკას, ევროკავშირს და ამ 10 პანელიდან მხოლოდ 1 შეეხებოდა რუსეთს. ზუსტად ამ პანელი ჩაშლას შეეცადა ქალბატონი ინაშვილი. ინაშვილი შეეცადა ის ერთადერთი პანელი ჩაეშალა, სადაც პუტინზე და კრემლის პოლიტიკაზე იქნებოდა საუბარი, თუმცა მას ეს არ გამოუვიდა. ჰქონდა ძალიან კონკრეტული ამოცანა, რომელიც ვერ შეასრულა, იმიტომ, რომ მოვიდა მოაწყო დებოში, რომელმაც 5 წუთს გასტანა. ამის შემდეგ დისკუსია გაგრძელდა, როგორც იყო ჩაფიქრებული", - განაცხადა თავდაცვის ყოფილმა მინისტრმა. 

შეგახსენებთ, რომ თბილისში მიმდინარე საერთაშორისო კონფერენციაზე, „Now What?”, „პატრიოტთა ალიანსის“ წევრის, ირმა ინაშვილის მისვლას ხმაური და დაპირისპირება მოჰყვა. ინაშვილს კონფერენციაზე სიტყვით გამოსვლის უფლება ოფიციალურად, არ ჰქონდა, თუმცა ის მოხსენებით გამოსვლას ითხოვდა. ინაშვილის განმარტებით, კონფერენციაზე გიგა ბოკერიამ „პატრიოტთა ალიანსის“ შესახებ ცილისწამებლური განცხადებები გაავრცელა, მას კი პასუხის გაცემა სურდა. პროცესში ინაშვილი ამერიკელ მკვლევარსა და ყოფილ დიპლომატს დევიდ კრამერის დაუპირისპირდა. საბოლოოდ, საერთაშორისო კონფერენციის ორგანიზატორებმა ინაშვილს სიტყვით გამოსვლის საშუალება მისცეს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა