„ვამპირები ხართ თქვენ? ამ მონსტრების და აჩრდილების გამოსვლის დროს რომ იკვევებით და ენერგია გემატებათ?“, - ამ სიტყვებით მიმართა ფრაქცია „საქართველოს პატრიოტების“ თავმჯდომარე ადა მარშანიამ საპარლამენტო უმრავლესობას „ნაციონალური მოძრაობის“ ერთ-ერთი ლიდერის, ნიკა მელიას გამოსვლის შემდეგ.

როგორც მარშანიამ აღნიშნა, „პატრიოტ და სახელმწიფოებრივად მოაზროვნე ხელისუფლებას ასეთი ოპოზიცია არ უნდა ეკადრებოდს“.

„რა გამოცოცხლებაა დარბაზში? მოგცათ კარგი „პადაჩა“ „ნაციონალური მოძრაობის“ წევრმა? ხალხნო რა გჭირთ ეხლა ხუმრობით გეტყვით არ გეწყინოთ, ვამპირები ხართ თქვენ ? ამ მონსტრების და აჩრდილების გამოსვლის დროს რომ იკვევებით და ენერგია გემატებათ ? რა გჭირთ ხალხნო ამაზე ხარჯავთ ენერგიას და შეძახილებს, ჟრიამულია, გამოცოცხლებაა და ენერგია მოდის და მიხარია ეს, როდესაც ეს აჩრდილები გამოდიან სიტყვით? ამაზე დავხარჯოთ ქალბატონო გუგული [მაღრაძე] ჩვენი საპარლამენტო დრო? ეს არ არის დემოკრატია, ეს იცით რა არის? თქვენ ერთმანეთს ასაზრდოებთ და ეს არის იცით რა ? ასეთი ოპოზიცია ჰყავს უვარგის ხელისუფლებას. არ უნდა ეკადრებოდეს პატრიოტს, მებრძოლს, სახელმწიფოებრივად მოაზროვნეს, პატიოსან, ჭკვიან ხელისუფელბას ასეთი ოპოზიცია. არ უნდა სჭირდებოდეს და თქვენ ეს ხალხი გჭირდებათ. ეს არის მთავარი მიზეზი იმისა, თუ რატომ არ ვაძლევთ ჩვენ ხმას ამ მომავალ მთავრობის შემადგენლობას, რომელიც რა საკვირველია, დღეს იქნება დამტკიცებული. მაგრამ ეს პრელუდიაა, მე ბატონი მელიას გამოსვლაზე მქონდა რეაქცია“, - განაცხადა ადა მარშანიამ.

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა