„გადადგომით, მე რატომღაც ვიღაცას დავუდასტურებდი, რომ რაღაცაში თავს ვგრძნობ დამნაშავედ - არ ვგრძნობ! მიუხედავად იმისა, რომ რა თქმა უნდა, პასუხისმგებლობას ვგრძნობ თითოეულ დაშავებულ ადამიანზე“, - ამის შესახებ პრემიერ-მინისტრობის კანდიდატმა გიორგი გახარიამ დეპუტატ ბექა ნაცვლიშვილის კითხვაზე საპასუხოდ განაცხადა.

დეპუტატმა პრემიერობის კანდიდატს ჰკითხა, 20-21 ივნისს განვითარებული მოვლენების გამო, იქნებოდა თუ არა კარგი პრეცედენტი მისი გადადგომა.

„საერთოდ ნებისმიერი თანამდებობა არის მხოლოდ გამოწვევა და პასუხისმგებლობა, სხვა არაფერი, აღარ ვარ მე არც იმ ასაკში და არც იმ მდგომარეობაში, რომ... მაგრამ არგადადგომის ძირითადი მოტივი იყო პრინციპი, ჩვეულებრივი პრინციპი. როდესაც მე ვამბობ, რომ ეს იყო პარლამენტზე შტურმი, ორგანიზებული პოლიტიკური ძალების მიერ, მასობრივი შეტევა პოლიციაზე, რომელიც ყველამ ნახა, დავანებოთ თავის გადაცდომებს, რომელიც პოლიციის მხრიდან იყო, ამის შემდგომ მე აბსოლუტურად გააზრებულად, თითოეულ კეთილსინდისიერ პოლიციელს ვინც ამ ღონისძიებაში მიიღო მონაწილეობა, ვუხდი მადლობას, რომ მათ სახელმწიფო ინსტიტუტი გადაარჩინეს ძალადობრივი სტატუს-კვოს ცვლილებისგან და ამ დროს გადადგომით, მე რატომღაც ვიღაცას დავუდასტურებდი, რომ რაღაცაში თავს ვგრძნობ დამნაშავედ - არ ვგრძნობ! მიუხედავად იმისა, რომ რა თქმა უნდა, პასუხისმგებლობას ვგრძნობ თითოეულ იმ დაშავებულ ადამიანზე, რომელსაც მოხვდა რეზინის ტყვია, რომელმაც მიიღო სხვა სახის დაზიანება, თითოეულ მათგანზე, რომელმაც დაკარგა თვალი. უნდა ვაღიაროთ, რომ ასეთი 2 ადამიანი გვყავს. მაგრამ პასუხისმგებლობას ვგრძნობ ასევე იმაზეც, რომ სახელმწიფომ მათზე ზრუნვის პოზიტიური ვალდებულება შეასრულოს ბოლომდე. ასევე ვგრძნობ პასუხისმგებლობას იმაზე, რომ ის პოლიციელები, რომლებიც აქ კეთილსინდისიერად იდგნენ და ბოლომდე 2 საათის განმავლობაში ითმენდნენ 300 გატაცებულ ფარს, მათ გატაცებას ბრბოში, ფიზიკურ შეურაცხყოფას და კიდევ ბევრს, სხვათაშორის ბევრი პოლიციელი გვყავს დაზარალებული, ისინი ხვალ არ გახდნენ მორალური ბულინგის მსხვერპლი, რასაც ბევრი ცდილობს. მათ უნდა ჰქონდეთ შეგრძნება, რომ ხვალ, ზეგ და მასზეგ ისინი ამ ქვეყანას უნდა ემსახურონ უკეთესად. სახელმწიფო ინსტიტუტში ფიზიკურად შეჭრას ჰქვია შტურმი, აქ ხომ არ არის საუბარი სიმღერით, ცეკვით, ლექსებით ან კიდევ რაღაცით, შტურმით! ამას ჰქვია თავისი სახელი - ორგანიზებული თავდასხმა სახელმწიფო ინსტიტუტზე პოლიტიკური კონიუნქტურის რეალობის შეცვლის მიზნით. აქ მე რომ დამეშვა მათი შემოჭრა, მაშინ უნდა გადავმდგარიყავი“, - განაცხადა გიორგი გახარიამ.

ავტორი: ექსპრესნიუსი,

სოციალური ქსელები

საბურთალოზე კაცი მოკლეს

ენერგეტიკული ბაზარი: ცვლილებები და საინვესტიციო შესაძლებლობები - ბიზნესთან შეხვედრა გაიმართა

დაესწარით თანამედროვე ხელოვნების ბაზრობა Tbilisi Art Fair 2026-ს - ღონისძიების მხარდამჭერია SOLO

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები