2015-07-11 12:24:09, 645 ნახვა
საზოგადოება
ვაკის პარკში სუპერთასის ბილეთების რიგში ასობით გულშემატკივარი იმყოფება
ვაკის პარკში უეფას სუპერთასის ბილეთების ცოცხალ რიგში ასობით გულშემატკივარი იმყოფება.
გულშემატკივრების მიერ შექმნილია სპეციალური ჯგუფები, რითაც ბილეთების რიგთან დაკავშირებით თვითორგანიზება ხდება. ბილეთების შეძენის მსურველთა რიცხვი ყოველ წუთს იზრდება.
ადგილზე საპატრულო პოლიციაა მობილიზებული.
ცნობისთვის, უეფას ბილეთების გაყიდვა ხვალ დილის 9:00 საათზე დაიწყება.
უეფა-ს სუპერთასის ფინალური შეხვედრა თბილისში 11 აგვისტოს "დინამო არენაზე" გაიმართება. "ბარსელონასა" და "სევილიას" დაპირისპირება 22:45 საათზე დაიწყება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
