საქართველოს პრეზიდენტი სალომე ზურაბიშვილი მიიჩნევს, რომ ქვეყანა მზად არის იმისათვის, რომ ევროკავშირის წევრი გახდეს, - ამის შესახებ პრეზიდენტმა Euronews-სთან მიცემულ ინტერვიუში განაცხადა. 

პრეზიდენტის განცხადებით, მას სურს, რომ საქართველომ ევროკავშირის მიმართულებით გზა გააგრძელოს. 

"ქართველები თავს ევროპელებად თვლიან. ეს არ არის ის, რისკენაც ისინი მიისწრაფიან. ისინი მართლაც ევროპელები არიან. ისინი ევროპის მიმართ ძალიან ოპტიმისტურად განწყობილები არიან და მიიჩნევენ, რომ ევროპისკენ ლტოლვას ალტერნატივა არ აქვს", - აღნიშნა ზურაბიშვილმა. 

მან აგრეთვე "ბრექსითზე" ისაუბრა და დასძინა, რომ ევროკავშირიდან დიდი ბრიტანეთის წასვლა, საქართველოსთვის დიდი შანსია. 

"ვფიქრობ, „ბრექსითი“ ძალიან დიდი გამოწვევაა, მაგრამ დარწმუნებული ვარ, ის ევროპას რეფორმირებისთვის ახალ შესაძლებლობამდე მიიყვანს. ოპტიმისტურად ვარ განწყობილი და დარწმუნებული ვარ, ის ჩვენთვის ახალ კარს გახსნის", - განაცხადა საქართველოს პრეზიდენტმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ