"გვინდა, ჩვენი მეგობარი ქვეყნების სამსახურებს ვაცნობოთ, რომ დღეს საქართველოში სახელმწიფო სამსახურები პოლიტიკური დევნის ინსტრუმენტად გამოიყენება", - ამის შესახებ „თიბისი ბანკის“ ერთ-ერთმა დამფუძნებელმა ბადრი ჯაფარიძემ ბრიფინგზე განაცხადა.

ჯაფარიძის შეფასებით, სახელმწიფო სტრუქტურები "თიბისი ბანკის" დამფუძნებლების წინააღმდეგ პოლიტიკური მოტივით მოქმედებენ. ამასთან ჯაფარიძემ ქართული სასამართლოს გააკრიტიკა.

"მინდა ამავდროულად, რადგან ასეთი ნაბიჯი იქნა გადადგმული, ჩვენი მეგობარი ქვეყნების სამსახურებს ვაცნობოთ, რომ დღეს საქართველოში სახელმწიფო სამსახურები პოლიტიკური დევნის ინსტრუმენტად გამოიყენება. ამიტომ, მათ მიერ გადაგზავნილი მოთხოვნები უნდა გადამოწმდეს. დღეიდან ჩვენ ვიწყებთ მუშაობას, რათა ვამხილოთ ყველა ის სამსახური, ვამხილოთ ყველა ჩვენი მეგობარი ქვეყნის საელჩოს მეშვეობით. ვაპირებთ გადავდგათ ნაბიჯები იმდაგვარად, რომ არ დარჩეს არც ერთი კითხვა, ამ კონკრეტული საქმის შინაარსთან მიმართებაში. ამიტომ, მოვუწოდებთ აშშ-ის, დიდი ბრიტანეთის და ევროკავშირის წევრი ყველა ქვეყნის საელჩოს, რომ აქტიურად იყოს ჩართული მთლიანად ამ პროცესში, იმიტომ, რომ ყველაზე დიდი იარაღი, რომელიც ჩვენ გვაქვს, არის სიმართლე და გამჭვირვალობა. სასარგებლო იქნება თუ მეგობარი ქვეყნების შესაბამისი სამსახურები ჩაერთვებიან პროცესში და გაეკვრვევიან შეთითხნილი საქმის არსში, რის შემდეგაც დადებენ თავიანთ დასკვნას", - განაცხადა ბადრი ჯაფარიძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ