2019-08-27 11:42:33, 1613 ნახვა
კომენტარი
ავთანდილ წერეთელი: TV პირველს ვერავინ წამართმევს
"TV პირველის მფლობელის, ვატო წერეთლის მამა, ავთანდილ წერეთელი პროკურატურას უნდობლობას უცხადებს.
საქართველოში დაბრუნების შემდეგ ავტანდილ წერეთელმა ჟურნალისტებტან საუბარში განაცხადა, რომ ტელევიზიას მას ვერავინ წაართმევს.
"ერთი ვიცი რა, იმ მთავრობამ წამართვა ქონება და ფული, ამ მთავრობამ წამართვა. TV პირველს ვერავინ ვერ წამართმევს. ამით დავამთავრე საუბარი. როცა დამიძახებენ სასამართლოში მივალ და არა პროკურატურაში. პროკურატურა მორჩა უკვე", - განაცხადა წერეთელმა.
ცნობისთვის, პროკურატურამ ავთანდილ წერეთლის მიმართ აღკვეთის ღონისძიების შეფარდებასთან დაკავშირებით სასამართლოს მიმართა. უწყების ცნობით, სასამართლო სხდომა დღეს 15:00 საათზე ჩაინიშნა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
