2019-08-16 10:52:29, 946 ნახვა
საზოგადოება
„გალერია თბილისი“ 15 აგვისტოს მომხდარ ინციდენტთან დაკავშირებით განცხადებას ავრცელებს
15 აგვისტოს, 22:15 საათზე, გალერია თბილისის ტექნიკურ სივრცეში, სავენტილაციო სისტემის ერთ-ერთ დანადგარს გაუჩნდა ალი, რის გამოც მოხდა სავაჭრო ცენტრის შენობის დაკვამლიანება.
ამის შესახებ „ექსპრესნიუსს“„გალერია თბილისიდან“ აცნობეს.
მათივე ცნობით, გალერია თბილისის ტექნიკურმა სამსახურმა ძალიან სწრაფად შეძლო ალის ჩაქრობა. ასევე დაუყოვნებლივ მოხდა შენობაში მყოფი ადამიანების ევაკუაცია.
შემთხვევის დროს არავინ დაშავებულა და არ დაზიანებულა ქონება.
ამ ეტაპზე უცნობია შემთხვევის გამომწვევი მიზეზი, მიმდინარეობს საკითხის მოკვლევა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
