2019-08-15 12:35:17, 709 ნახვა
საზოგადოება
16 აგვისტოს, 23:00 საათიდან 17 აგვისტოს 09:00 საათამდე, თბილისის მერიის ცხელი ხაზი არ იმუშავებს
ტექნიკური სამუშაოების გამო, 16 აგვისტოს 23:00 საათიდან სრულად გაითიშება მერიის სასერვერო ინფრასტრუქტურა.
დედაქალაქის მერიის ინფორმაციით, ამის შედეგად, 17 აგვისტოს 09:00 საათამდე ვერ იმუშავებს მუნიციპალური ცხელი ხაზი.
ამ პერიოდის განმავლობაში მერიის დისტანციური მომსახურების სამსახურის თანამშრომლები პირადი ტელეფონებით კონტაქტზე იქნებიან მხოლოდ საპატრულო და საგანგებო სიტუაციების მართვის სამსახურებთან.
თბილისის მერია მოქალაქეებს შექმნილი დისკომფორტის გამო ბოდიშს უხდის.
(NS)
ავტორი: ექსპრესნიუსი,
epn.ge (@expressnews.ge)
