„ის, რომ საარჩევნო სისტემა იცვლება, არის მთავარი მიღწევა, რომელიც აუცილებლად ბოლომდე უნდა იქნას მიყვანილი“, - ამის შესახებ „სექტორი 3“-ის დამფუძნებელმა ქეთევან ჩაჩავამ საარჩევნო კანონმდებლობაში მომზადებული ცვლილებების პროექტთან დაკავშირებით განაცხადა. 

მისი თქმით, უმნიშვნელოვანესია, რომ საარჩევნო რეფორმასთან დაკავშირებით სამუშაო პროცესი მიმდინარეობს 

„ისეთი კომპლექსური რეფორმა, რომელიც მოიცავს საარჩევნო სისტემის ცვლილებას, უამრავს საკითხს გულისხმობს და სამუშაო რეჟიმიც ძალიან მნიშვნელოვანია, რომ არის ინკლუზიური პროცესი. ამ პროცესში იქნება ბევრი აზრთა სხვაობაც. რა თქმა უნდა, ამ პროცესში იქნება ბევრი აზრთა სხვადასხვაობაც, თუმცა მთლიანობაში ის, რომ საარჩევნო სისტემა იცვლება, არის მთავარი მიღწევა, რომელიც აუცილებლად ბოლომდე უნდა იქნას მიყვანილი“ - განაცხადა ქეთევან ჩაჩავამ.

სასტუმრო „შერატონ გრანდ თბილისი მეტეხი პალასში“ საარჩევნო კანონმდებლობის რეფორმის სამუშაო ჯგუფის შეხვედრა მიმდინარეობს. შეხვედრის დაწყებამდე პარლამენტის თავმჯდომარე არჩილ თალაკვაძემ ბრიფინგი გამართა და უმრავლესობის მიერ საარჩევნო კანონმდებლობაში მომზადებული ცვლილებების პროექტი წარადგინა. ცვლილებები შეეხება პარტიების დაფინანსების წესს, უფასო საეთერო დროს, ბიულეტენის ნამდვილობის შემოწმების წესსა და სხვა საკითხებს. ასევე, პროექტის თანახმად, ეტლით მოსარგებლე ამომრჩეველი უფლებამოსილი იქნება, ხმის მისაცემად თავად შეარჩიოს შესაბამისი საარჩევნო ოლქის ტერიტორიაზე ნებისმიერი ადაპტირებული საარჩევნო უბანი, არაუგვიანეს არჩევნებამდე მეექვსე დღისა.

(NS) 

ავტორი: ექსპრესნიუსი,

სოციალური ქსელები

საქართველოს ბანკმა AI-ის ყველაზე ინოვაციური გამოყენებისთვის DataIQ-სგან ჯილდო მიიღო

ტერაქტის მცდელობა თუ პილოტების ჩხუბი კაბინაში - რა მოხდა Flydubai-ს რეისზე

₾100 ათასამდე შემოსავლის მქონე პირები ქონების გადასახადისგან გათავისუფლდნენ - პარლამენტმა კანონი მიიღო

2027 წლიდან 70 წლამდე პირთა პენსია ₾20-ით გაიზრდება, 70 წელს ზემოთ - ₾60-ით - ბიუჯეტის პროექტი