2015 წლის 1-ელ  ივლისს,  საქართველოს მასშტაბით დაიწყო ანალოგური მიწისზედა საეთერო სიგნალის  ეტაპობრივი გათიშვა,  რომელიც 25 აგვისტოს დასრულდება.

ეკონომიკის სამინისტროს ინფორმაციით, ამ პროცესთან დაკავშირებით  საქართველოს რეგიონებში დაიწყო საინფორმაციო ხასიათის შეხვედრები,  რომლებსაც  ეკონომიკისა და მდგრადი განვითარების სამინისტროს, სსიპ „საქართველოს ციფრული მაუწყებლობის სააგენტოს“, შპს „საქართველოს  ტელერადიოცენტრის,“ ასევე  საქართველოს კომუნიკაციების ეროვნული კომისიისა და ინფორმაციის თავისუფლების განვითარების ინსტიტუტის  წარმომადგენლები უძღვებიან.

 პირველი შეხვედრა 6 ივლისს გაიმართა გორსა და ხაშურში, სადაც დამსწრე საზოგადოებას  რეფორმის არსი გააცნეს და აუხსნეს ტექნიკური პროცედურები. გარდა ამისა, შეხვედრის ორგანიზატორებმა მოსახლეობას მიაწოდეს იმ მაღაზიების სია და მისამართები, სადაც შესაძლებელია „სეთ-თოფ-ბოქსების“ შეძენა.

 ადგილობრივ მოსახლეობასთან  შეხვედრები მომავალშიც გაგრძელდება.  რეფორმის პროცესში ჩართული მხარეები  დაინტერესებულ საზოგადოებას  მნიშვნელოვან და დეტალურ ინფორმაციას  კონკრეტულ რეგიონებში ანალოგური სიგნალის გათიშვამდე რამდენიმე დღით ადრე  გააცნობენ.

 ანალოგური სიგნალის გათიშვის შემდეგი ეტაპი 2015 წლის 9 ივლისს განხორციელდება.  დილის  10:00 საათზე, ანალოგური მიწისზედა საეთერო სიგნალი გაითიშება გორში, ბეკამში, დუშეთსა და ხაშურში, აგრეთვე გაითიშება გორის, კასპის, ქარელის, ხაშურის, დუშეთისა და მცხეთის მუნიციპალიტეტების ტერიტორიაზე განთავსებული ხელშემშლელი ანალოგური სატელევიზიო გადამცემები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საგარეო მიესალმება ნაურუს მიერ ოკუპირებულ ცხინვალთან და აფხაზეთთან დიპლომატიური ურთიერთობების გაუქმებას

კუპრაძე - არაბული ინვესტიციები, რეალურად, არ არსებობს

ლელოს წევრი: რუხაძის გადადგომა იმაზე მეტყველებს, რომ ოცნება კორუფციაშია ჩაფლული

ეროვნულმა შეფასების ცენტრმა ერთიანი ეროვნული გამოცდების პირველი შედეგები გამოაქვეყნა