"ეთიკის საბჭოში ზარდიაშვილის მიერ პარლამენტის დატოვების საკითხს დავაყენებ" - ასე გამოეხმაურაა პარლამენტის დამოუკიდებელი დეპუტატი ეკა ბესელია უმრავლესობის წევრ ვანო ზარდიაშვილს, რომელმაც ის "რუსთავი 2"-თან გარიგებაში დაადანაშაულა და „ინფორმაციის გამტანი ვირთხა“ უწოდა.

ბესელიას განცხადებით, ზარდიაშვილი „ქართული ოცნების“ სიაში უზენაესი სასამართლოს მოსამართლის, მიხეილ ჩინჩალაძის ხელშეწყობით მოხვდა. 

„მის ამ ისტერიკაზე მე შეიძლება მქონდეს ერთადერთი რეაქცია - საბრალო ივანიშვილი, რომელსაც სჭირდება ზარდიაშვილისნაირი სპიკერები. ერთი წელი დამსდევდა მე, რომ მას დავლაპარაკებოდი და ლამის ტიროდა და იხვეწებოდა, რომ მე მისთვის სალამი მიმეცა. ეს არის ადამიანი, რომელიც ასეთი უკანონო ჩანაწერების ჩამწერიცაა და გამავრცელებელიც. ყველაფრის მკადრებელია და მე გაცილებით მეტი ინფორმაცია მაქვს მასზე. ამ არარაობას, მიუხედავად იმისა, რომ არაფრად არ ვთვლი, ამას რომ არ ვაპატიებ, ეს თავისთავად ცხადია. ეთიკის საბჭოში მის მიერ პარლამენტის დატოვების საკითხს დავაყენებ, რომ მას დაატოვებინონ მანდატი, რომელიც ჩინჩალაძის წყალობით მოიპოვა. 
ზარდიაშვილი 2016 წელს ჩინჩალაძემ  შემოაგდო ქართული ოცნების სიაში იმისთვის, რომ სასამართლოსა და პროკურატურაში ხელი აფათუროს. მერე ივანიშვილი ამბობდა, ვინ არის ეს ზარდიაშვილიო, ვინ ეკითხება მაგას სასამართლოში, მერიაში და სხვაგან სირბილს საქმეების ჩასაწყობადო და თვითონ რცხვენოდა ამ ადამიანის გვარის ხსენება. უმრავლესობის სხდომაზე რომ ლაპარაკობდა ზარდიაშვილი, მას მივმართე პირადად - რომ აი ამ არარაობას-მეთქი, ჩემი გუნდის წევრად არასდროს არ ჩავთვლი-თქო და ხმის ამოღებაც ვერ გაბედა. ეხლა რომ მევაჟკაცება შორიდან, არაფრის თავი რომ არა აქვს გარდა იმისა, რომ ჩუმ-ჩუმად, შორიდან და ზურგსუკან რაღაცები გიმუხთლოს, თორემ რისი მთქმელი და გამბედავია. აი, ვინც მას დღეს ალაპარაკებს, იმას უნდა ვუთხრა - თავი დაანებეთ ჩემთან ასე საუბარს და მოქცევას, რადგან არცერთს არ აქვს მორალური უფლება ასე მელაპარაკოს“, - განაცხადა ეკა ბესელიამ.

ავტორი: ექსპრესნიუსი,

სოციალური ქსელები

მარიჯანის ქუჩის მაცხოვრებლებს ექსპერტებმა ზეპირსიტყვიერად განუცხადეს, რომ ევაკუაცია არ მოხდება

უკრაინაში SOCAR-ის სადგურზე თავდასხმის გამო აზერბაიჯანმა რუსეთის ელჩი დაიბარა

თიბისი IT აკადემია ბლოკჩეინის ტექნოლოგიების შესწავლის ახალ შესაძლებლობას ქმნის

მონაკოში, საცხოვრებელ კორპუსში აფეთქების საქმეზე ეჭვმიტანილი ქალის ცხედარი კიევის მახლობლად იპოვეს