საქართველოს სასჯელაღსრულებისა და პრობაციის მინისტრი გიორგი მღებრიშვილი და აჭარის ჯანდაცვის მინისტრის მოადგილეები ლევან გორგილაძე და ზურაბ თენიეშვილი სასჯელაღსრულების N3 დაწესებულებაში სამედიცინო პრევენციულ გამოკვლევებს პირადად დაესწრნენ.

აჭარის ჯანდაცვის სამინისტროს ინფორმაციით, მინისტრი მსჯავრდებულთა საჭიროებებით დაინტერესდა.

სასჯელაღსრულების N3 დაწესებულებაში პრევენციულ სადიაგნოსტიკო გამოკვლევები სასჯელაღსრულებისა და პრობაციის სამინისტროს ინიციატივით და აჭარის ჯანდაცვის სამინისტროს მხარდაჭერით ქ. ბათუმის N1 პოლიკლინიკის ექიმებმა ჩაატარეს.

ექიმ-კონსულტანტებმა პატიმრობისა და თავისუფლების აღკვეთის N3 დაწესებულებაში მყოფ ბრალდებულებს და მსჯავრდებულებს სამედიცინო მომსახურება უსასყიდლოდ გაუწიეს.

ბრალდებულებმა და მსჯავრდებულებმა კონსულტაცია შემდეგი ექიმ-სპეციალისტებისგან მიიღეს: ნევროლოგი, უროლოგი, ნარკოლოგი, ოფთალმოლოგი, ენდოკრინოლოგი, კარდიოლოგი, დერმატოლოგი, ოტორინოლარინგოლოგი. მათ ასევე, ჩაუტარდათ ელექტროკარდიოგრაფიული, ექოკარდიოგრაფიული და ულტრასონოგრაფიული კვლევები. დაწესებულებაში განთავსებულ პირებს, ასევე ჩაუტარდათ ღვიძლის ელასტოგრაფია.

ამასთან, სასჯელაღსრულების N3 დაწესებულებაში განახლდა აფთიაქი, რომელის მედიკამენტებით აღიჭურვა, თანამედროვე სტანდარტების შესაბამისად, თვეში ერთხელ გეგმიურად მიმდინარეობს. აფთიაქში ბრალდებულებისა და მსჯავრდებულებისათვის 500-მდე დასახელების მაღალი ხარისხის მედიკამენტია ხელმისაწვდომი.

N3 დაწესებულების პარალელურად პრევენციული გამოკვლევები ჩატარდა N15 დაწესებულებაში და ივლისის განმავლობაში მსჯავრდებულები სრულად იქნებიან გამოკვლეულები.

ბრალდებულებმა და მსჯავრდებულებმა კონსულტაცია შემდეგი ექიმ-სპეციალისტებისგან მიიღეს: ნევროლოგი, უროლოგი, ნარკოლოგი, ოფთალმოლოგი, ენდოკრინოლოგი, კარდიოლოგი, დერმატოლოგი, ოტორინოლარინგოლოგი. მათ ასევე, ჩაუტარდათ ელექტროკარდიოგრაფიული, ექოკარდიოგრაფიული და ულტრასონოგრაფიული კვლევები. დაწესებულებაში განთავსებულ პირებს, ასევე ჩაუტარდათ ღვიძლის ელასტოგრაფია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა