აფხაზეთთან და სამხრეთ ოსეთთან ე.წ. ხელშეკრულების თემაზე საქართველოს პრეზიდენტი  გიორგი მარგველაშვილი აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელ ვახტანგ ყოლბაიას, ე.წ. სამხრეთ ოსეთის ადმინისტრაციის ხელმძღვანელ დიმიტრი სანაკოევს და ამ თემაზე მომუშავე ორგანიზაციებს შეხვდა.

შეხვედრის დასრულების შემდეგ დიმიტრი სანაკოევმა რუსეთის დუმის მიერ აფხაზეთთან ე.წ.  ხელშეკრულების  რატიფიცირება შეაფასა  და განაცხადა, რომ ამისთვის მზად იყვნენ. 

ამასთან, ყოლბაიას თქმით, საერთაშორისო  თანამეგობრობა  და საერთაშორისო არასამთავრობო ორგანიზაციები  საქართველოს პრობლემებით დაიღალნენ და ქართულმა მხარემ პროცესებში  მათი აქტიური  ჩართულობა უნდა მოახერხოს.

"მე გითხარით შეხვედრის დაწყებამდე,  რომ რატიფიცირება მოხდებოდა. აქ არაფერი ახალია არაა. ამისათვის ჩვენ მზად ვიყავით  და ვართ კიდევაც შინაგანად. ამას სჭირდება ძალიან ჩამოყალიბებული მიდგომა.  ამ პროცესში უნდა ჩაერთოს საერთაშორისო  თანამეგობრობა.მინდა გითხრათ, რომ საერთაშორისო თანამეგობრობა,  მათ შორის საერთაშორისო არასამთავრობო ორგანიზაციები,  ცოტა არ იყოს და დაიღალენ ჩვენი კონფლიქტებით, ჩვენი პრობლემებით. ამიტომ, მათი უფრო აქტიური ჩართულობა უნდა შევძლოთ ჩვენ. ჩვენ შიგნით,  ჩვენს საზოგადოებაში უნდა ჩამოვყალიბდეთ  ჩვენს მიდგომებზე,  თუ როგორ და რანაირად ვხედავთ ამ კონფლიქტის მოგვარებას,  უფრო მეტად აფხაზებთან ნდობის  აღდგენას.
ნდობის აღდგენა მრავალვექტორიანი სამუშაოა. ამიტომ, არის საკითხები, რომლებიც შეიძლება იყოს კულვარული,  არის საკითხები, რომლებშიც  საერთაშორისო თანმეგობრობა უნდა ჩაერთოს, არის საკითხთა მიმართულება, რომელიც სხვადასხვა დონეებზე შეხვედრას განსზღვრავს. მათ შორისაა არასამთავრობო ორგანიზაციების როლი და ეს მიმართულება ძალიან მნიშვნელოვანია  მაშინ,  როცა  სახელმწიფო სტრუქტურები ვერ ახერხებენ პირდაპირ დიალოგზე გასვლას აფხაზებთან",-განაცხადა ვახტანგ ყოლბაიამ.

კითხვაზე- რას გულისხმობს საერთაშორისო  თანამეგობრობის დაღლაში, ყოლბაიამ ასე უპასუხა:  

"უფრო ნაკლებად ვგრძნობთ ჩვენ ჰუმანიტარულ დახმარებას, ნაკლებადაა ყოველღიური ჩართულობა კონფლიქტის მოგვარების გზების ძიებაზე. ჩვენ თვითონ უნდა შევთავაზოთ საერთაშორისო  ორგანიზაციას, სად და როდის და რა ფორმატში ვხედავთ  მათ გააქტიურებას.სულ სხვის იმედზე ყოფნა,  ცოტა არ იყოს და მათთვისაც და ჩვენთვისაც დამღლელია",-აღნიშნა ყოლბაიამ.
შეგახსენებთ, რუსეთის დუმამ ოკუპირებულ აფხაზეთის დე-ფაქტო რესპუბლიკასთან  სტრატეგიული შეთანხმების რატიფიცირება მოახდინა. არსებული ინფორმაციით, ე.წ. ხელშეკრულების რატიფიცირებას  რუსეთის სათათბიროში ხელი 441 დეპუტატმა დაუჭირა, ერთმა კი თავი შეიკავა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აფგან სადიგოვი, აზერბაიჯანის პოლიციამ დააკავა

სააკაშვილი რაფალიანცის და ეროსი კიწმარიშვილის მკვლელობას ივანიშვილს უკავშირებს

სადიგოვის აზერბაიჯანში გაძევება არის ადამიანის უფლებათა ევროპული კონვენციის დარღვევა - საია

პროდუქტების ჩამონათვალი რომელიც პატიმრების ახლობლებს შეუძლიათ ციხეებში სააღდგომოდ შეიტანონ