მეგის ქარდავა სერგო თეთრაძის წამებაში დამნაშავედ სცნეს

2015-01-23 15:01:20, 338 ნახვა

პოლკოვნიკ სერგო თეთრაძის წამებასა და სექსუალურ ძალადობაში სამხედრო პოლიციის დეპარტამენტის ყოფილი უფროსი მეგის ქარდავა დამნაშავედ სცნეს.
სააპელაციო სასამართლომ საქალაქო სასამართლოს გადაწყვეტილება, რომლის თანახმადაც ქარდავას მიმართ გამამართლებელი განაჩენი იყო გამოტანილი, შეცვალა.
ძებნაში მყოფ მეგის ქარდავას დაუსწრებლად 9 წელი აქვს შეფარდებული.
მეგის ქარდავას ადვოკატის მალხაზ ველიჯანაშვილის განცხადებით, სააპელაციომ გამამტყუნებელი განაჩენი მტკიცებულებების გარეშე გამოიტანა და მას ზემდგომ ინსტანციაში გაასაჩივრებს.
„პირველი ინსტანციის სასამართლო განაჩენში ეწერა, რომ თეთრაძის ეპიზოდში ქარდავას მიმართ არც ერთი გამამტყუნებელი განაჩენი არ იყო გამოტანილი. სასამართლოში არაფერი ახალი არ დამატებია. შესაბამისად, აპელაციამ გამამტყუნებელი განაჩენი შესაბამისი მტკიცებულებების გარეშე გამოიტანა, რაც უკანონოა“, – აღნიშნა ველიჯანაშვილმა.
პროკურორი რევაზ ნადოის შეფასებით კი, პირველი ინსტანციის სასამართლოს მიერ მეგის ქარდავას მიმართ გამამართლებელი განაჩენი დაუსაბუთებელი იყო.
„მეგის ქარდავას გამართლება ეს იყო უკიდურესად დაუსაბუთებელი განაჩენი და სწორედ ამიტომ სააპელაციო სასამართლომ ეს გადაწყვეტილება შეცვალა“, – აღნიშნა ნადოიმ.