ნაძალადევის რაიონში, ზღვის უბნის (თემქა) XI მიკრორაიონის პირველ კვარტალში, ე.წ. არაშენდას კორპუსის მიმდებარედ გზის რეაბილიტაცია სრულდება. პროექტის ფარგლებში, მოეწყო ბორდიური და ასფალტის საფარი 5 500 კვ.მ ფართობზე დაიგო.

ბოლო ეტაპის საგზაო სამუშაოებს ნაძალადევის რაიონის გამგებელი ირაკლი ხელაძე გაეცნო.

„ე.წ. არაშენდას კორპუსის მიმდებარედ მოვაწესრიგეთ საგზაო ინფრასტრუქტურა. ამ ტერიტორიაზე აქამდე ასაფალტის საფარი არ დაგებულა, მთლიანად გრუნტიანი გზა იყო. კორპუსში 367 ოჯახი ცხოვრობს, რომლებიც უკვე კეთილმოწყობილი გზით ისარგებლებენ. სხვადასხვა პერიოდში შენობის შიგნითაც განვახორციელეთ ინფრასტრუქტურული სამუშაოები და ასევე, სამომავლოდ, საბავშვო გასართობი სივრცის მოწყობასაც ვგეგმავთ“, - განაცხადა ირაკლი ხელაძემ.

პროექტის ღირებულება 200 000 ლარია. საგზაო სამუშაოები ნაძალადევის რაიონის გამგეობის დაკვეთით ხორციელდება.

(NS)

ავტორი: ექსპრესნიუსი,

სოციალური ქსელები

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა