ინფრასტრუქტურული პროექტების ფარგლებში, ვაჟა-ფშაველას პირველი კვარტლის N3 კორპუსის მიმდებარედ სკვერის რეაბილიტაცია დასრულდა.

პროექტის შედეგად, ტერიტორიაზე განახლდა საპარკე ინფრასტრუქტურა - დამონტაჟდა ახალი ურბანული ავეჯი, მოეწყო საბავშვო-გასართობი მოედანი, განათებისა და სარწყავი სისტემები, ასევე, ფეხით სავალი ბილიკები. 

გარდა ამისა, სარეაბილიტაციო სამუშაოების მიმდინარეობისას დასასვენებელი სივრცე გამწვანდა - დაირგო ყვავილები, ხეები, ბალახი კი ინოვაციური მეთოდის გამოყენებით - ჰიდროთესვის პრინციპით დაითესა. აღნიშნული მეთოდით ბალახი სპეციალური მანქანით ითესება. ნიადაგს ესხურება თესლის, სასუქებისა და დამხმარე ნივთიერებებისგან შედგენილი ნარევი, რაც მისი ხარისხის გაუმჯობესებას უწყობს ხელს.

„ვაჟა-ფშაველას I კვარტალში დასასვენებელი სივრცის კეთილმოწყობა დავასრულეთ. მოსახლეობა უკვე აქტიურად იყენებს სკვერს, რაც ძალიან სასიხარულოა. ტერიტორია გამწვანებულია, დაირგო მცენარეები, ბალახი, დამონტაჟდა არასტანდარტული და კომფორტული საპარკე სკამები, მოეწყო განსხვავებული საბავშვო გასართობი მოედანი. ამ სკვერის გარდა, ინფრასტრუქტურის განახლებას სხვადასხვა მისამართზე განვაგრძობთ. მიმდინარე წელს დასასვენებელი სივრცე სულ 20 მისამართზე განახლდება“, - განაცხადა ვაკის რაიონის გამგებელმა ნოდარ ტურძელაძემ.  

სკვერის განახლების სამუშაოები ვაკის გამგეობის დაკვეთით, შპს „ინტერტექნოლოგმა“ განახორციელა.

(NS)

ავტორი: ექსპრესნიუსი,

სოციალური ქსელები

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა