პარლამენტის მიმდებარე ტერიტორიაზე აქცია მშვიდ ვითარებაში გრძელდება. რუსთაველის გამზირზე შეკრებილ მოქალაქეებს, სხვადასხვა რეგიონებიდან ჩამოსული ადამიანები მიმართავენ.

 როგორც ერთ-ერთმა გამომსვლელმა აღნიშნა, აქციები იქამდე გაგრძელდება, სანამ თანამდებობას შსს მინისტრი, გიორგი გახარია არ დატოვებს.

მისივე თქმით, ხვალ აქციას ქალაქ ზუგდიდის მოსახლეობა შემოუერთდება.

პარლამენტის წინ მიმდინარე აქციას სხვადასხვა უნივერსიტეტის სტუდენტებიც შემოუერთდნენ.

„ჩვენ აქ ვდგავართ იმისათვის, რომ რუსულმა ჩექმამ აღარ შემოაბიჯოს. ვგდავართ თქვენი და ჩვენი ოჯახებისთვის“, - აცხადებს აქციის მონაწილე.

გარდა ამისა, აქციის მონაწილეები შსს 12:00 საათამდე აძლევენ ვადას იმისათვის, რომ უწყებამ გუშინ რუსთაველზე დაკავებული მოქალაქეები გაათავისუფლოს.

„არ დავიშლებით, სანამ გახარია არ გაათავისუფლებს ჩვენ მოქალაქეებს და არ დატოვებს თანამდებობას“, - აცხადებენ ისინი.

ამასთან, მოქალაქეები პერიოდულად სკანდირებენ „გაუმარჯოს საქართველოს“, „არა ოკუპაციას“ და უცენზური სიტყვებით მოიხსენიებენ რუსეთის ფედერაციის პრეზიდენტს ვლადიმერ პუტინს.

მოქალაქეებს ბანერები აქვთ მიტანილი.

აქციაზე რამდენჯერმე საქართველოს ჰიმნი შესრულდა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს

"საქართველოს ბანკის" მობილბანკიდან უცხოურ ბანკში გადარიცხვების ფუნქციონალი სრულად განახლდა