2019-06-21 19:38:26, 964 ნახვა
საზოგადოება
პარლამენტთან საპროტესტო აქცია მიმდინარეობს [LIVE]
რუსთაველის გამზირზე, პარლამენტის შენობის წინ საპროტესტო აქცია მიმდინარეობს.
ადგილზე გაერთიანებული ოპოზიციის „ძალა ერთობაშია“, „ევროპული საქართველოს“ და სხვა ოპოზიციური პარტიების ლიდერები იმყოფებიან. ცოტა ხნის წინ აქციას შეუერთდა სტუდენტთა ნაწილიც.
რაც შეეხება მოთხოვნებს, მათი მოთხოვნები შემდეგია: „2020 წლის არჩევნები ჩატარდეს პროპორციული სისტემით“; „დაუყოვნებლივ გამოუშვან ყველა დაკავებული და დაისაჯონ პოლიციელები ძალის გადამეტებისთვის“; „დაუყოვნებლივ გადადადგეს შინაგან საქმეთა მინისტრი გიორგი გახარია!“
აქციის მონაწილეთა სიმრავლის გამო, რუსთაველის გამზირი ისევ გადაკეტილია.
ტერიტორიაზე სამართალდამცველთა დიდი რაოდენობაა მობილიზებული.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
