აქციის მონაწილეებმა, რომლებიც სასტუმრო "რადისონის" მიმდებარე ტერიტორიასთან, რუსი დეპუტატების ვიზიტს აპროტესტებენ, შენობას კვერცხები დაუშინეს. 

როგორც "ექსპრესნიუსის" კორესპონდენტი ადგილიდან იუწყება, ვითარება ადგილზე რამდენჯერმე დაიძაბა. მანამდე კიდევ ერთ ინციდენტს ჰქონდა ადგილი. კერძოდ, აქციის მონაწილეები ერთმანეთს დაუპირისპირდნენ. 

ერთ-ერთი მოქალაქის განცხადებით, აქციის პოლიტიზირება არ უნდა მოხდეს და გარკვეულმა პარტიებმა ის სათავისოდ არ უნდა გამოიყენონ. მან ადგილი უკვე დატოვა, თუმცა წასვლამდე განაცხადა, რომ აქციას უფრო მეტი ადამიანი შემოუერთდება.

ამასთან, აქციის მონაწილეებს ადგილზე სხვადასხვა შინაარსის ბანერები აქვთ მიტანილი, წარწერებით: "სირცხვილია", "სლავა უკრაინა" და "პუტინ ხ..ლო". 

ადგილზე სამართალდამცველები არიან მობილიზებული. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

უპასუხისმგებლო და უნიჭო ცინიზმი - კირცხალიას გახარიას გუნდში უპასუხეს

ირაკლი კირცხალია - სენეგალში, დეპუტატმა ფეხმძიმე კოლეგას ჩაარტყა ფეხი - ბატონმა გიგა ფარულავამ წარმოადგინოს ორსულობის შესახებ ცნობა

Sky: პრინც ჰარის ბუკინგემის სასახლეში დარჩენის შესაძლებლობა ჩამოერთვა

ბაზისბანკის და საბვეის გემრიელი, ჯანსაღი და საიმედო პარტნიორობა