შეიქმნება ჯგუფები, რომლებიც სამშენებლო ობიექტებზე  შრომის უსაფრთხოების უზრუნველყოფის მიზნით მონიტორინგს განახორციელებენ, - ამის შესახებ პრემიერ-მინისტრმა მამუკა ბახტაძემ მთავრობის სხდომის დაწყებამდე გამართულ ბრიფინგზე განაცხადა.

პრემიერმა აღნიშნა, რომ ჯგუფების მუშაობა პირველ ეტაპზე თბილისში დაიწყება, ხოლო მოგვიანებით რეგიონებსაც მოიცავს.

„ბოლო წლების განმავლობაში, ერთ-ერთ ყველაზე მტკივნეულ გამოწვევას შრომის უსაფრთხოება წარმოადგენს,  იქიდან გამომდინარე, რომ სრულიად უპასუხისმგებლო გადაწყვეტილებებით მოხდა სამართლებრივი ვაკუუმის შექმნა ამ სფეროში. განსაკუთრებით, ეს სამშენებლო ობიექტებზე შეინიშნება და მოგეხსენებათ, რომ ამ თვალსაზრისით, საკმაოდ მძიმე შედეგები გვქონდა. შესაბამისად, მივიღეთ გადაწყვეტილება, რომ შრომის ტექნიკური უზრუნველყოფის ნორმების დარღვევის პრევენციის მონიტორინგისა და მყისიერი რეაგირების მიზნით , შეიქმნება სახელმწიფო მარეგულირებელი ინსტიტუტებით დაკომპლექტებული ჯგუფები, რომლებიც განახორციელებენ ინტეგრირებულ მონიტორინგს სამშენებლო კომპანიებში. ეს გადაწყვეტილება ხელს შეუწყობს სახელმწიფო სექტორში დასაქმებული პირების სიცოცხლისა და ჯანმრთელობის საფრთხის შემცველ გარემოში მოხვედრის ალბათობის შემცირებას და მინიმუმამდე დაიყვანს უბედური შემთხვევების მოხდენის რისკს. ასევე, მნიშვნელოვანია, რომ მოხდება ცნობიერების ამაღლება, დამატებითი ინფორმაციის მიწოდება სამშენებლო სფეროში დასაქმებული პირებისა და დამსაქმებელი კომპანიებისთვის. ამ ეტაპზე, ჯგუფების მუშაობა თბილისის მასშტაბით დაიწყება და შემდეგ უკვე რეგიონებზეც გავრცელდება“, - განაცხადა მამუკა ბახტაძემ.

ავტორი: ექსპრესნიუსი,

სოციალური ქსელები

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს