პანკისში სპეცოპერაციის დროს მოკლული თემირლან მაჩალიკაშვილის მშობლებმა პარლამენტის დროებითი საგამოძიებო კომისიის შექმნის მოთხოვნით ხელმოწერების შეგროვება დაიწყეს.

მალხაზ მაჩალიკაშვილმა პარლამენტს საგამოძიებო კომისიის შემქნის ინიციატივით უკვე რამდენჯერმე მიმართა, თუმცა კომისიის შექმნაზე უარი ეთქვა. 

„პარლამენტში უმრავლესობის წევრები იძახიან, რომ არ არის საჭირო. უმრავლესობა იმასაც იძახის, რომ თემირლანი დამნაშავე იყო. ეს ხელისუფლება მთლიანობაში ერთ ჯამში იხარშება, პროკურორიც, მოსამართლეც, ივანიშვილიც და პარლამენტის უმრავლესობაც და დანარჩენი ხელისუფლებაც. ამათ ეს უნდათ თუ არა, მე შევაგროვებ ამ ხელმოწერებს. ყველა ის ადამიანი, ვისაც კი თემირლანის სისხლში ურევია ხელი, უნდა დაიბარონ დაკითხვაზე“, - განაცხადა მალხაზ მაჩალიკაშვილმა.

თემირლან მაჩალიკაშვილის დედა მედიკო მარგოშვილი იმედს გამოთქვამს, რომ თუ საგამოძიებო კომისია შეიქმნება, მისი შვილის უდანაშაულობის შესახებ მთელი მსოფლიო შეიტყობს.

"მგონია, რომ საგამოძიებო კომისია რომ შეიქმნება, მთელი მსოფლიო გაიგებს თემირლანის უდანაშაულობას და ამ ხელისუფლებას მოუწევს ყველა კითხვაზე პასუხის გაცემა, იმიტომ, რომ თემირლანი არ იყო ეჭვმიტანილი და კავშირში ამ ტერორისტულ აქტთან. ეს მინდა, რომ გაიგოს მთელმა მსოფლიომ“, - განაცხადა მედიკო მარგოშვილმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს