პირველი და მნიშვნელოვანი, რასაც ძალიან ელოდება ჩვენი მოსახლეობა და განხორციელება დაწყებულია, გაზიფიცირების 3-წლიანი გეგმაა, - ამის შესახებ ეკონომიკისა და მდგრადი განვითარების მინისტრმა ნათია თურნავამ პარლამენტის დარგობრივი ეკონომიკური პოლიტიკის სხდომაზე სიტყვით გამოსვლისას განაცხადა.

 მისი თქმით, გეგმა მოიცავს 2019-2021 წლებს, რისთვისაც სახელმწიფო ბიუჯეტიდან იხარჯება 209 მილიონი ლარი.

 ეკონომიკის მინისტრის განცხადებით,  ბოლო 5 წლის განმავლობაში ბიუჯეტიდან ძალიან ბევრი თანხა დაიხარჯა, რათა გაზიფიცირების ინფრასტრუქტურა ყოფილიყო მაქსიმალურად დივერსიფიცირებული და საბოლოო ჯამში მთლიანად საქართველოს აბონენტებს 85%-მდე მოვიცავთ", - განაცხადა ეკონომიკის მინისტრმა.

თუმცა, ნათია თურნავას განცხადებით, 85%-ანი მაჩვენებელი საკმარისი არ არის და მთავრობის გამოწვევად სწორედ დარჩენილი 15 % რჩება. მინისტრის ინფორმაციით, ამ მიმართულებით იგეგმება პარალელური პროგრამა, განსაკუთრებით მაღალმთიანი რეგიონებისთვის. „ჩვენ შევარჩევთ სხვადასხვა ფორმებს და ტექნოლოგიებს, თუ როგორ მივაწოდოთ სითბო თითოეულ ოჯახს", -აღნიშნა მან.

 მთლიანად, გაზიფიცირების პროგრამის ფარგლებში, აბონენტების რაოდენობა 3 წლის განმავლობაში მიაღწევს 1 300 000 ოჯახს მთელი საქართველოს მასშტაბით - ეს 226-ზე მეტი დასახლებული პუნქტია.

 „აქედან 60-მდე მეტი დასახლებული პუნქტი  უკვე წელს თავის ქუჩებში დაინახავს ტექნიკას - სამუშაოები ზოგერთ სოფელში უკვე დაწყებულია, ზოგიერთში კი ეტაპობრივად დაიწყება. მათ შორის არის ისეთი პუნქტები, სადაც ისტორიულად გაზი არასოდეს ყოფილა, ასე მაგალითად, ჩხოროწყუსა და წალენჯიხაში, ტყიბულის რაიონის სოფელი ორპირი, სადაც წელს უკვე იწყება და გაისად დასრულდება მშენებლობა, ქობულეთის რაიონის სოფელი გორგაძეები და ა.შ. მე საკუთარი თვალით ვნახე, თუ რამდენ პერსპექტივებს აჩენს ეს ამ რეგიონებისთვის", - განაცხადა ეკონომიკისა და მდგრადი განვითარების მინისტრმა.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.