ქალაქ ვენაში, ევროპის უსაფრთხოებისა და თანამშრომლობის ორგანიზაციის (OSCE) ეგიდით, „ეუთოს უსაფრთხოების დღეები“ გაიმართა. ღონისძიებაში მონაწილეობა საქართველოს გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა მიიღო.

ღონისძიების ძირითად მიზანს წარმოადგენდა უსაფრთხოებას და გაეროს მდგრადი განვითარების მიზნებს შორის ურთიერთკავშირის ანალიზი. კერძოდ, ყურადღება გამახვილდა კლიმატის ცვლილებასა და  უსაფრთხოებას, ასევე, კონფლიქტების პრევენციასა და უსაფრთხოებას შორის  არსებულ მჭიდრო ურთიერთკავშირზე.

ღონისძიების ფარგლებში გამართულ შეხვედრაზე, მინისტრის მოადგილემ ისაუბრა კლიმატის ცვლილების შესახებ მდგრადი განვითარების მე-13 მიზნის განხორცილების მიმართულებით ქვეყანაში არსებულ პროგრესსა და გამოწვევებზე, კლიმატის ცვლილებასთან დაკავშირებულ კატასტროფებსა და მათი რისკის შემცირების ღონისძიებებზე, კლიმატის ცვლილების შესახებ პარიზის შეთანხმებისა და კატასტროფების რისკის შემცირების შესახებ სენდაის ჩარჩოს განხორციელების მიმართულებით საქართველოს პრაქტიკასა და მიღწეულ პროგრესზე.

ნინო თანდილაშვილმა ხაზი გაუსვა  მდგრადი გარემოსდაცვითი მმართველობის ხელშეწყობის მიზნით გარემოსა და უსაფრთხოების საკითხების შესახებ ინფორმაციის ხელმისაწვდომობის და გადაწყვეტილების მიღების პროცესში ყველა დაინტერესებული მხარის მონაწილეობის მნიშვნელობას, ასევე, ყურადღება გაამახვილა ეუთოს გარემო და უსაფრთხოების ინიციატივასა (EnvSec Initiative) და საქართველოს შორის გარემოს დაცვის მიმართულებით უკვე არსებულ წარმატებულ თანამშრომლობაზე და სამომავლო თანამშრომლობის პრიორიტეტებზე.  

(NS)

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.