საუნივერსიტეტო საქმიანობაში სამეცნიერო-კვლევითი ერთეულის სრულფასოვნად მონაწილეობის მიზნით, „უმაღლესი განათლების შესახებ“ და “მეცნიერების, ტექნოლოგიებისა და მათი განვითარების შესახებ“ საქართველოს კანონებში ცვლილებები შედის.

საკანონმდებლო ცვლილებების პაკეტი კვლევებისა და ინოვაციების საბჭოს სხდომაზე განიხილეს, რომელიც პრემიერ-მინისტრ ირაკლი ღარიბაშვილის ხელმძღვანელობით, დღეს მთავრობის ადმინისტრაციაში გაიმართა.

ცვლილებათა პაკეტის თანახმად, განისაზღვრება და დაზუსტდება უმაღლეს საგანმანათლებლო დაწესებულებებში არსებული სამეცნიერო-კვლევითი ერთეულების სამართლებრივი სტატუსი და მათი როლი უმაღლესი საგანმანათლებლო დაწესებულებების მართვის ორგანოებში; უზრუნველყოფილი იქნება საგანმანათლებლო საქმიანობაში სამეცნიერო-კვლევითი ერთეულების ჩართულობა; განისაზღვრება უმაღლეს საგანმანათლებლო დაწესებულებებში არსებულ სამეცნიერო-კვლევით ერთეულებში სამეცნიერო პერსონალის სტატუსი, ასევე, უნივერსიტეტის მმართველობაში მეცნიერების მონაწილეობა; განხორციელდება უმაღლესი საგანმანათლებლო დაწესებულების პერსონალის საქმიანობის შიდა შეფასების სისტემის სრულყოფა; დამკვიდრდება სამეცნიერო-კვლევით საქმიანობასთან დაკავშირებული სტატუსები და ცნებები; განხორციელდება მასწავლებლის მომზადების სისტემის სრულყოფა და უმაღლესი განათლების სისტემის ინტერნაციონალიზაციის ხელშეწყობა.

ცვლილებები სამაგისტრო და სადოქტორო პროგრამების მომზადება-განხორციელებაში სამეცნიერო-კვლევითი ერთეულის სრულფასოვან მონაწილეობას, სტრუქტურულ ერთეულში მეცნიერის სტატუსის, მეცნიერთა ატესტაციის, მმართველი ორგანოს განსაზღვრისა და შეფასების სისტემის ფორმირების მიმართულებით სისტემის მოწესრიგებას ისახავს მიზნად.

საკანონმდებლო ცვლილებათა პაკეტი საკანონმდებლო ორგანოს მთავრობის სხლოდომაზე მუხლობრივი განხილვის შემდეგ გადაეგზავნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა