„გვინდოდა ხელშეწყობა. თუ ეს მათ ძაბავთ, განკარგონ ისე, როგორც უნდათ“, - ასე გამოეხმაურა ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის მინისტრი დავით სერგეენკო ბათუმის რესპუბლიკური საავადმყოფოს თანამშრომლების პროტესტს.

სერგეენკოს განცხადებით,  ამ საავადმყოფოს პრივატიზება გეგმაში არასდროს ყოფილა.

"ბათუმში, რესპუბლიკურ საავადმყოფოში ექიმების და ექთნების მშვენიერი გუნდი მუშაობს, რომლებიც ძველ ინფრასტრუქტურაში მუშაობენ. აჭარის მთავრობამ მათ გამოუნახა თანხები და იქვე, იმ ტერიტორიაზე, ახლოში ახალი ინფრასტრუქტურა აუშენა. ანუ, ეს ადამიანები ძველი შენობიდან ახალში უნდა გადავიდნენ და განაგრძონ მუშაობა, ესაა მოცემულობა. გამომდინარე იქიდან, რომ ჩვენ გვინდა ხელი შევუწყოთ და საქართველოს მასშტაბით რამდენიმე სანიმუშო კლინიკა შევქმნათ, ვამუშავებთ მოსაზრებას, რომლის მიხედვითაც დროებით ქსელურ მართვაში ჩავრთავთ ამ კლინიკებს, რომ არაპირდაპირი ხარჯები შევამციროთ, ისევე როგორც დონორებთან და ბიუჯეტთან გამოვნახოთ საშუალება, რომ  აღჭურვაშიც შეუწყონ ხელი. მიუხედავად ამისა, ჩამოყალიბდა საერთოდ გაუგებარი სიტუაცია, როდესაც თანამშრომლების ნაწილი შიმშილობს, მოითხოვს დაუყოვნებლივ 10 მილიონის ჩარიცხვას და აღჭურვას, წინააღმდეგ შემთხვევაში პროტესტს. ახლავე მინდა ვთქვა, რომ თუკი ჩვენი მიდგომა მათ ძაბავს და აღიზიანებს, საერთოდ არ მივიღებთ ამ პროექტში მონაწილეობას. ჩვენ ჩვენი უამრავი საქმე გვაქვს და განკარგონ და განავითარონ ეს კლინიკა ისე, როგორც ჩათვლიან საჭიროდ. ჩვენ არანაირი გეგმები არ გვაქვს, არც გვქონია პრივატიზაციაზე, გვინდოდა ხელშეწყობა. თუ ეს მათ ძაბავთ, განკარგონ ისე, როგორც უნდათ“, - განაცხადა დავით სერგეენკომ.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.