„დევნილების 90,5% სამხრეთ ოსეთსა და აფხაზეთში   იმ შემთხვევაში სურს  დაბრუნება, თუ ამ ორი კუთხის საქართველოსთან სრულად ინტეგრირება მოხდება“,-ამის შესახებ საქართველოს ოკუპირებული ტერიტორიებიდან, იძულებით გადაადგილებულ პირთა, ლტოლვილთა და განსახლების მინისტრმა სოზარ სუბარმა  გაეროს ლტოლვილთა უმაღლესი კომისარიატის დაკვეთით ჩატარებული კვლევის პრეზენტაციამდე ჟურნალისტებს განუცხადა. 
სუბარის თქმით, გაეროს ლტოლვილთა კომისარიატის მიერ ჩატარებული კვლევა დევნილთა სამინისტროს პრიორიტეტების დასახვაში დაეხმარება. 
„გაეროს უმაღლესმა ლტოლვილთა კომისარიატმა, სოციალური კვლევისა და ანალიზის ინსტიტუტმა ძალიან მნიშვნელოვანი კვლევა ჩაატარა, რომელიც დაგვეხმარება იმისათვის, რომ შემდგომი პრიორიტეტები დავსახოთ, თუ რა მიმართულებით უნდა ვიმუშაოთ. კონკრეტულად, რამდენიმე ციფრზე გავამახვილბ ყურადღებას. დევნილების  აბსოლუტურ   უმრავლესობას ნებაყოფლობით სურს დაბრუნება. 
დევნილების  90,5 %  სურს სამხრეთ ოსეთსა და ოფხაზეთში უკან დაბრუნება იმ შემთხვევაში სურს , თუ ეს ორი კუთხე სრულად იქნება საქართველოსთან ინტეგრირებული. 2, 5% ბოლომდე არა აქვს გარკვეული თუ რა გადაწყვეტილებას მიიღებს და მხოლოდ 6 % ამბობს, მათ დაბრუნება არ სურთ.   ეს არის ის 6%, რომელიც ჩავთვალოთ, რომ   თბილისსა და საქართველოს სხვა რეგიონებში კარგად მოეწყო. ის კითხვა შეიძლება იყოს მრავალჯერ დასმული და მითი, რომ ახალი თაობა წამოვიდა და მათ არ სურთ აფხაზეთში დაბრუნება , ამ კვლევით არის გაქარწყლებული“,-განაცხადა სოზარ სუბარმა. 
ამასთან,  სოზარ სუბარმა   ქალებსა და მამაკაცებში ინტეგრაციის მაჩვენებელზე  ისაუბრა და აღნიშნა, რომ  ქალების ინტეგრაციის მაჩვენებელი უფრო მაღალია, ვიდრე მამაკაცების. 
„მეორე მნიშვნელოვანი შედეგი, რითაც ეს კვლევა განსხვავდება წინა წლებში ჩატარებული კვლევისგან. დევნილთა 57% ამბობს, რომ ისინი ინტეგრირებული არინ იმ საზოგადოებასთან, სადაც ცხოვრობენ, მცირედი სხვაობაა ქალებსა და კაცებს შორის, ქალების 60% არის ინტეგრირებული,  კაცები 54%, ანუ  ქალებმა უფრო მეტად მოახერხეს რეინტეგრირება.   დაახლოებით 57-58 % ამბობს, რომ მათ სურთ იცხოვრონ, იმ ადგილას სადაც ისინი ამ ეტაპზე ცხოვრობენ. ეს ციფრი თან ხვდება ინტეგრაციის პროცესს ეს ციფრი ეთანხმება ინტეგრაციის მაჩვენებელს და კიდევ ერთხელ ადასტურებს, რამდენად სწორია ის პოლიტიკა, რაც გვაქვს წინა ხელისუფლებისგან განსხვავებით. ჩვენ ვცდილობთ, ადამიანებს იქ დავუკანონოთ სახლი, სადაც ისინი ცხოვრობენ და არა იქ, სადაც ხელისუფლება გადაწყვეტს. ამის კლასიკურ მაგალითად ჩვენ ყოველთვის გვახსენდება ფოცხო-ეწერი“,-განაცხადა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა