"ევროპული საქართველოს" ლიდერი გიგა ბოკერია უკრაინის პრეზიდენტის მიერ მიხეილ სააკაშვილისთვის მოქალაქეობის აღდგენის ფაქტს დადებითად აფასებს. ს

სააკაშვილის შესაძლო ექსტრადირებასთან დაკავშირებით დეპუტატი აცხადებს, რომ უმჯობესია "ქართულმა ოცნებამ" ფანტომების დევნას თავი დაანებოს. 

"მე და "ევროპული საქართველო", ზოგადად უკრაინის პოლიტიკაზე განცხადებებისგან ყოველთვის თავს ვიკავებდით. ჩვენი პოზიცია ის არის, რომ ჩვენ ვუჭერთ უკრაინას მხარს რუსული აგრესიის წინაათმდეგ. თუმცა, სააკაშვილისთვის მოქალაქეობის ჩამორთმევა გამონაკლისი შემთხვევა იყო, რადგან აშკარა უსამართლობას ჰქონდა ადგილი. ამიტომ, კარგია, რომ ჩვენს მეგობარ უკრაინაში ეს პრობლემა აღმოიფხვრა და მოქალაქეობა დაუბრუნეს. რაც შეეხება სააკაშვილის საქართველოში შესაძლო ექსტრადირების საკითხს: მე ვურჩევდი ივანიშვილის გუნდს, რომ სანამ ჯერ კიდევ ხელისუფლებაში არიან, სანამ წააგებენ არჩევნებს,რაც აუცილებლად მოხდება, რაღაც პერიოდი მაინც გონს მოეგონ და იმ საქმის კეთება დაიწყონ, რისთვისაც ხალხმა აირჩია და არა პოლიტიკური ოპონენტების და მათი ფანტომების დევნა, რაც საზიანოა ქვეყნისთვის", - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.