2019-05-19 11:31:07, 1364 ნახვა
კომენტარი
კალაძე კოორდინატორებს: ნუ შეუშინდებით ჟურნალისტებს, თქვენ უბნებზე სიით დგომის კანონიერი უფლება გაქვთ
"ქართული ოცნების" გენერალური მდივანის კახა კალაძის განცხადებით, პარტიის კოორდინატორებს უბნებზე სიით დგომის კანონიერი უფლება აქვთ.
მან პარტიის კოორდინატორებს მოუწოდა, მათ საქმიანობაში ხელის შეშლის შემთხვევაში, შესაბამის ორგანოებს მიმართონ.
"მე მინდა მივმართო ყველა კოორდინატორს, ვინც სიებით დგას უბნებზე, მათ ამის კანონიერი უფლება აქვთ, ნუ შეუშინდებით,მეგობრებო, კონკრეტული ტელევიზიების ჟურნალისტებს, თქვენ გაქვთ ამის უფლება და შეგიძლიათ გააგრძელოთ თქვენი საქმიანობა. თუ ვინმე თქვენს საქმიანობაში ხელს შეგიშლით, აუცილებლად მიმართეთ შესაბამის სამსახურებს", - განაცხადა კახა კალაძემ.
ავტორი: ექსპრესნიუსი,
epn.ge (@expressnews.ge)
