„ევროპული საქართველოს“ ერთ-ერთი ლიდერის, გიგა ბოკერიას განცხადებით, არსებობს იმის ფიქრის საფუძველი, რომ სახელმწიფო უსაფრთხოების სამსახურის  რესურსები „არალეგიტიმურ ამოცანებს“ ხმარდება.

„ბატონი გომელაურის  ზოგად მოხსენებაში რაღაც სწორი მოწოდებები იყო, ოღონდ ჩვენ სუს-ის მუშაობის არსთან გვაქვს პრობლემა. სრული საფუძველი გვაქვს ვიფიქროთ, რომ ამ უწყების რესურსები არალეგიტიმურ ამოცანებს, პოლიტიკური პოლიციის ამოცანებს, საარჩევნო პროცესებში უკანონო მეთოდებით ჩარევას  ხმარდება და არა იმ მთავარ გამოწვევებს,  რაც  უსაფრთხოების თვალსაზრისით ჩვენი ქვეყნის წინაშე დგას - ჩრდილოელი მეზობლის ინფილტრაცია, ექსტრემიზმი,  შავრაზმული ჯგუფები, რომლებიც ისევ პუტინთან არიან დაკავშირებული. ამ თვალსაზრისით ან კომპეტენცია არაა საკმარისი, ან რესურსები და უკვე მძიმე მდგომარეობაა. ეს ვიხილეთ პანკისში ჩავარდნილი ოპერაციისას, ეს ვიხილეთ არაერთხელ, როდესაც ქსელი შეიქმნა ჩვენს ქვეყანაში. პასუხი, რომელიც ჩვენ მოადგილისგან საჯაროდ მოვისმინეთ, რომ რუსეთის სადაზვერვო საქმიანობის გამოვლენა იმიტომ არ გვესმის, რომ ყველას გადაბირებას ახერხებენ, არასერიოზულია. თავისუფალ, ძლიერ ქვეყნებშიც უწევთ რუსეთის ჯაშუშების დაკავება და გაძევება და ჩვენ თითქოს ისეთი წარმატებულები ვართ, რომ ყველას ვიბირებთ, ეს არაა სერიოზული დამოკიდებულება", - განაცხადს გიგა ბოკერიამ.

გიგა ბოკერიამ სხდომის დახურვაზეც ისაუბრა და მას "უბრალოდ კაპრიზი" უწოდა, რადგან დეპუტატის თქმით, მმართველი პარტიის წევრების მიერ დასმული კითხვების აბსოლუტური უმრავლესობა სახელმწიფო საიდუმლოებას არანაირი კუთხით არ უკავშირდებოდა.

"შემიძლია სრული პასუხისმგებლობით ვთქვა, რომ ერთი კითხვის გარდა, რომელიც დასვეს უმრავლესობის წარმომადგენლებმა, ყველა კითხვა აბსოლუტურად საჯარო იყო და არანაირ სახელმწიფო საიდუმლოებას არ შეიცავდა. არც კითხვა, არც პასუხი. ჩემი აზრით რომ უაზრო კითხვები იყო, ეს სხვა საკითხია, ჩემი სუბიექტური შეფასებაა, მაგრამ არანაირ კავშირში არ იყო სახელმწიფო საიდუმლოებასთან. ეს იყო კიდევ ერთხელ უპატივცემულობის გამოვლინება პარლამენტის მიმართ, უბრალოდ ეს კაპრიზი აქვთ  და დახურეს", - განაცხადა გიგა ბოკერიამ. 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს