2019-05-03 15:15:54, 1558 ნახვა
პოლიტიკა
იმერეთის გუბერნატორი გადადგა
იმერეთის გუბერნატორმა შავლეგო ტაბატაძემ თანამდებობა დატოვა, - ამის შესახებ ინფორმაციას პრემიერ-მინისტრმა მამუკა ბახტაძემ დაადასტურა.
პრემიერის განცხადებით, ტაბატაძე პროფესიას დაუბრუნდა.
„შავლეგო არის გამორჩეული ადამიანი ჩვენს გუნდში. ის არის გენერალი, სამხედრო და თვითონვე ჰქონდა თხოვნა, რომ დაბრუნებოდა თავის პროფესიას. მინდა, გადავუხადო მადლობა გაწეული მუშაობისთვის, რომელიც ამ პოსტზე ყოფნის პერიოდში გასწია. მადლობა მას გაწეული სამსახურისთვის. ის დაუბრუნდა თავის პროფესიას, ის არის გამორჩეული სამხედრო“, - განაცხადა მამუკა ბახტაძემ.
ცნობისთვის, გუბერნატორად დანიშვნამდე პოლკოვნიკი შავლეგო ტაბატაძე 20 წელი საქართველოს შეიარაღებულ ძალებში მსახურობდა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
