„საქართველოს პატრიოტების“ წევრი ადა მარშანია „ზოგადი განათლების შესახებ“ კანონიდან სიტყვა „ლიბერალურის“ ამოღებასთან დაკავშირებით, ოპოზიციის კრიტიკას გამოეხმაურა.

დეპუტატმა საკითხთან დაკავშირებით საკუთარი პოზიცია დააფიქსირა და აღნიშნა, რომ ტერმინის „ლიბერალურ-დემოკრატიული“ ნაცვლად, კანონში „ეროვნულ-დემოკრატიული“ უნდა ჩაიწეროს.

„მივმართავ საქართველოს მოსახლეობას და ჩვენს საზოგადოებას, ძალიან ცუდი რამე ხდება ე.წ. საქართველოს პარლამენტში დღეს. აქ ხდება მანიპულირება ტერმინოლოგიით და საშინელ ბავშვთა კოდექსს მიიღებს მალე საქართველო ამ პარლამენტის წყალობით, სადაც თავდაყირაა ყველაფერი დაყენებული, ჩვენი იდენტობა, ჩვენი ეროვნული ფასეულობები, ისტორია, ჩვენი გმირების თავდადებული ბრძოლა, ყველაფერი არის თავდაყირა. ბავშვების გადაგვარების გზაზე გინდათ თქვენ დააყენოთ ქვეყანა! არ გამოგივათ ეს ამბავი! ლიბერალურ-დემოკრატიულის მაგივრად, ეროვნულ-დემოკრატიული ჩავწეროთ. რა პრეტენზია გაქვთ გამოჩენილო ლიბერალებო?! რა არის ეს, რა გამრუდებული აზროვნების დეპუტატები ჰყავს ქვეყანას, რა გჭირთ ხალხნო, რა დაგემართათ?! რა ფეტიშიზმია აქ გაბატონებული ევროპის მიმართ?! ფეტიშიზმით უნდა ვიცხოვროთ ჩვენ თუ საღი აზროვნებით ჩვენი ეროვნული ტრადიციებიდან გამომდინარე?!“, - განაცხადა ადა მარშანიამ.

ცნობისთვის, პარლამენტის პლენარულ სხდომაზე დღეს „ზოგადი განათლების შესახებ“ კანონში ცვლილებათა პაკეტს უყარეს კენჭი, რომელიც კანონიდან სიტყვა „ლიბერალურის“ ამოღებას ითვალისწინებს. კანონპროექტი ჩავარდა, ვინაიდან მას მხარი 61-მა დეპუტატმა დაუჭირა, მისაღებად კი, 76 დეპუტატის მხარდაჭერა იყო საჭირო.

ცნობისთვის, „ზოგადი განათლების შესახებ“ კანონიდან სიტყვა „ლიბერალურის“ ამოღების ინიციატივა კომიტეტის თავმჯდომარის მოადგილე გენადი მარგველაშვილს და დეპუტატ ნუკრი ქანთარიას ეკუთვნით. კანონპროექტში ნათქვამია, რომ მოქმედი კანონის მე-3 მუხლი, რომელიც ზოგადი განათლების სფეროში სახელმწიფო პოლიტიკის ძირითად მიზნებს ადგენს, „ბავშვის უფლებების შესახებ“ კონვენციის მოთხოვნებსა და სულისკვეთებას არ შეესაბამება.

უფრო კონკრეტულად, მოქმედ კანონში ზოგადი განათლების სფეროში სახელმწიფო პოლიტიკის ერთ-ერთ მიზნად განსაზღვრულია: „მოსწავლის გონებრივი და ფიზიკური უნარ-ჩვევების განვითარება, აუცილებელი ცოდნით უზრუნველყოფა, ცხოვრების ჯანსაღი წესის დამკვიდრება, ლიბერალურ-დემოკრატიულ ღირებულებებზე დამყარებული სამოქალაქო ცნობიერების ჩამოყალიბება, მოსწავლის მიერ კულტურულ ფასეულობათა პატივისცემა, ოჯახის, საზოგადოების, სახელმწიფოსა და გარემოს წინაშე უფლება-მოვალეობების გაცნობიერებაში ხელის შეწყობა“.

რაც შეეხება მარგველაშვილისა და ქანთარიას ინიციატივას, ისინი ჩანაწერის შემდეგი რედაქციით შეცვლას ითხოვენ: „მოსწავლის გონებრივი და ფიზიკური უნარ-ჩვევების განვითარება, აუცილებელი ცოდნით უზრუნველყოფა, ცხოვრების ჯანსაღი წესის დამკვიდრება, ლიბერალურ-დემოკრატიულ ღირებულებებზე დამყარებული სამოქალაქო ცნობიერების ჩამოყალიბება, მოსწავლის მიერ კულტურულ ფასეულობათა პატივისცემა, ოჯახის, საზოგადოების, სახელმწიფოსა და გარემოს წინაშე უფლება-მოვალეობების გაცნობიერებაში ხელის შეწყობა“.

ავტორი: ექსპრესნიუსი,

სოციალური ქსელები

ევროპაში რამდენიმე საათში 16-მა თვითმფრინავმა ბომბის შესახებ შეტყობინება მიიღო

თიბისის ბიზნესნაკრები ინდივიდუალური მეწარმეებისთვის

ხაბეიშვილი ოცნებაზე -მკვლელობებში მათი პრემიერყოფილი ამხელს და ესენი ხმას როგორ იღებენ?! რიჟვაძეს ვინ ესროლა, ვინ კლავდა, ვინ დასაჯეს?

გვარამია -ყველა, ვინც სოციალური მიზიდულობის პერსონაა, თუნდაც არანაირ კავშირში არ მყოფი პოლიტიკურ საქმიანობასთან, ფრთხილად რომ უნდა იყოს