„პოლიცია ეკუთვნის თითოეულ მოქალაქეს, ეფექტური პოლიცია და მართლწესრიგი არის თითოეული მოქალაქის ინტერესებში“, - ამის შესახებ შინაგა საქმეთა მინისტრმა, გიორგი გახარიამ პარლამენტში „მინისტრის საათის“ ფორმატში სიტყვით გამოსვლის დროს განაცხადა.

გიორგი გახარიამ გამოსვლის პირველი ნაწილი ქვეყანაში პოლიციის საქმიანობის კუთხით არსებულ სიტუაციას დაუთმო.  

როგორც შს მინისტრმა აღნიშნა, რეფორმების ძირითადი მიზანია, პოლიცია აპოლიტიკური იყოს.

 „თითოეული პოლიციელის, თანამშრომლისა და შინაგან საქმეთა სამინისტროს სახელით მინდა მოგმართოთ. მოგეხსენებათ, რომ სამწუხაროდ, ჩვენი საზოგადოების პოლარიზაციის ხარისხი არის საკმაოდ მაღალი და საკმაოდ მაღალი რადიკალიზაციის პირობებში ხორცილედებ ჩვენი სოციალური და პოლიტიკური ცხოვრება და ხშირ შემთხვევაში, ზოგიერთ მხარეებს აქვთ მცდელობა, რომ ამ პროცესში პოლიცია, როგორც ასეთი გახადონ მხარე. მაშინ როდესაც, ერთმნიშვნელოვნად შინაგან საქმეთა სამინისტროს პოზიცია არის რომ პოლიცია არის სრულიად აპოლიტიკური და ეფექტური ორგანო. შესაბამისად, როდესაც ასეთ ქმედებს აქვს ადგილი, უნდა გვესმოდეს, რომ პოლიცია არის ყველასი და რეფორმების ძირითადი მიზანი გახლავთ სწორედ ის, რომ პოლიცია იყოს აპოლიტიკური.

თითოეული პოლიციელისთვის ასევე მნიშვნელოვანია საკითხი, რომ სისტემური საკითხი მიიღო პოლიციისა და პოლიციელის დისკრედიტაციის მცდელობამ და და ეს იღებს კამპანიურ ხასიათს. რა თქმა უნდა, აქაც ყველამ ერთად უნდა გავიხსენოთ ის, რომ პოლიცია ეკუთვნის თითოეულ მოქალაქეს და პოლიციის რეპუტაციას უნდა გავუფრთხილდეთ ყველა, რამეთუ ეფექტური პოლიცია და მართლწესრიგი არის თითოეული მოქალაქის დღევანდელ და მისი მომავლის ინტერესებში“, - აღნიშნა შს მინისტრმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ევროპაში რამდენიმე საათში 16-მა თვითმფრინავმა ბომბის შესახებ შეტყობინება მიიღო

თიბისის ბიზნესნაკრები ინდივიდუალური მეწარმეებისთვის

ხაბეიშვილი ოცნებაზე -მკვლელობებში მათი პრემიერყოფილი ამხელს და ესენი ხმას როგორ იღებენ?! რიჟვაძეს ვინ ესროლა, ვინ კლავდა, ვინ დასაჯეს?

გვარამია -ყველა, ვინც სოციალური მიზიდულობის პერსონაა, თუნდაც არანაირ კავშირში არ მყოფი პოლიტიკურ საქმიანობასთან, ფრთხილად რომ უნდა იყოს