საპარლამენტო უმრავლესობის წევრი ზაზა პაპუაშვილი და „ნაციონალური მოძრაობის“ წევრი ნიკა მელია ერთმანეთს სიტყვიერად და ფიზიკურად დაუპირისპირდნენ.

ჩხუბის მიზეზზე დეპუტატები არ საუბრობენ და პროვოკაციის მოწყობაში ერთმანეთს ადანაშაულებენ.

"ბევრი რამ შერჩა ზაზა პაპუაშვილს და არ  დეპუტატად წოდებული ზაზა პაპუაშვილის ლანძღვა-გინების მოთმენას არ ვაპირებ.ივანიშვილის კალთას ამოფარებული პაპუაშვილი, ორი მოწვევის პარლამენტის წევრია, რა გაუკეთებია ? მთაწმინდის რაიონის მაჟორიტარი კანდიდატია. ერთი მთაწმინდელი მანახეთ, ვინც იტყვის, რომ ერთი სადეპუტატო უფლებამოსილება შეასრულა. რა უნდა მომხდარიყო, ჰკითხეთ თავად მას", - აცხადებს ნიკა მელია.

ზაზა პაპუაშვილი, თავის მხრივ, დაპირისპირების მიზეზებზე სასაუბროდ ნიკა მელიასთან გვამისამართებს.

"თავად მას ჰკითხეთ. მაგის საკრიტიკებელი ვინ არის? რამ გამოიწვია და რაც არის და ვინც არის ნიკა მელია, მიკროფონებთან საუბარი რა საჭიროა, არ იცით,  ვინ არის? გამოიწვია ის, რომ ეს მომხდარიყო, მიკროფონები და კამერა, რაც მისაღები იყო მიიღო და კიდევ მიიღებს ასეთი უზრდელობის და უტაქტობის გამო, პროვოკატორია ჩვეულებრივი, მეტი არაფერი. არჩევნები ახლოვდება და რაღაც თემების აწევა უნდა" , - განაცხადა პაპუაშვილმა.

"რაღაც თემებზე" პაპუაშვილი არ საუბრობს. ის ადასტურებს, რომ იყო როგორც სიტყვიერი, ასევე ფიზიკური  დაპირისპირებაც.

ავტორი: ექსპრესნიუსი,

სოციალური ქსელები

„ახლა ჩვენი ჯერია“: ბაიდენმა ამერიკული გზის დაუმთავრებელ ბუნებაზე ისაუბრა

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო