შინაგან საქმეთა სამინისტროს გენერალურმა ინსპექციამ პოლიციელბის წინააღმდეგ 2013 წელთან შედარებით, 2014 წელს გაცილებით მეტი დისციპლინური ღონისძიება გაატარა.

ამის შეასახებ აშშ-ის სახელმწიფო დეპარტამენტის ანგარიშშია აღნიშნული.

დეპარტამენტის ინფორმაციით, 2014 წელს 2 796 დისციპლინური ღონისძიება გატარდა, 2013-ში კი 1 686. 

„შსს-მ დისციპლინურ სასჯელად საყვედური, ჩამოქვეითება და სამსახურიდან გათავისუფლება გამოიყენა. გარდა ამისა, 2014 წელს შსს-ს 32 თანამშრომელი სისხლის სამართლის პასუხისგებაში მიეცა, 2013 წელს კი 18. უწყებამ თანამშრომლების 4 თანხის მითვისების ფაქტი, 3-3 ხულიგნობის და სამსახურეობრივი ძალაუფლების გადამეტების, 3 გულგრილობის და 3 ქრთამის აღების ფაქტი დააფიქსირა“, - ნათქვამია სახელმწიფო დეპარტამენტის ანგარიშში.

დეპარტამენტის განცხადებით, გენერალურმა პროკურატურამ უნდა გამოიძიოს პოლიციის მიერ ძალაუფლების ბოროტად გამოყენება, როდესაც დაკავებისას რამდენიმე ეჭვმიტანილმა სხეულის დაზიანება მიიღო. 

„პროკურატურამ მაშინაც კი უნდა დაიწყოს გამოძიება, როდესაც ის მიიღებს ძალადობის სავარაუდო შემთხვევის შესახებ ინფორმაციას ანონიმური წყაროდანაც კი. ხშირ შემთხვევაში, როდესაც პროკურატურა პოლიციელების მხრიდან ეჭვიმტანილებზე ძალადობას იძიებს, ის შსს-ს თანამშრომლებს ამართლებს“,- ნათქვამია ანგარიშში.

ამასთან, სახელმწიფო დეპარტამენტის ანგარიშში აღნიშნულია, რომ გასული წლის განმავლობაში, შსს-ს პოლიციის აკადემიამ 377 პოლიციელს ადამიანის უფლებების თემაზე საბაზისო კურსი ჩაუტარა. პოლიციის აკადემიამ ასევე ჩაატარა სპეციალური ტრენინგი ხალხის მართვაში ლგბტ ღონისძიებების დროს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: აშშ-ს ირანში კიდევ ერთი ან ორი სამიზნე აქვს გასანადგურებელი

საფრანგეთში ცხოვრების ფასების ზრდის წინააღმდეგ გამართულ საპროტესტო აქციებში დაახლოებით 320 000 ადამიანი მონაწილეობდა

შეერთებულმა შტატებმა ბელორუსს Boeing-ის სათადარიგო ნაწილებისა და ახალი თვითმფრინავების შეძენის უფლება მისცა

ტუსკი საკონსტიტუციო ტრიბუნალზე - ყვირილი, ტყუილი და ჩხუბი პოლონეთში კანონის წყარო არ შეიძლება იყოს