სოფლის მეურნეობის განვითარებაში შეტანილი წვლილისთვის, პრემიერ–მინისტრმა ირაკლი ღარიბაშვილმა საქართველოში ევროკავშირის წარმომადგენლობის სოფლის მეურნეობის ატაშეს, ხუან ხოსე ეჩანოვეს „ოქროს საწმისის“ ორდენი გადასცა.

ამის შესახებ „ექსპრესნიუსს“ მთავრობის ადმინისტრაციის პრესსამსახურიდან აცნობეს.

ღარიბაშვილის განმარტებით, 2012 წლიდან დღემდე ხუან ეჩანოვე პირადად უწევს დახმარებას საქართველოს სოფლის მეურნეობის დარგში არსებული საჭიროებების იდენტიფიცირებას, შესრულების მონიტორინგს და აქტიურად თანამშრომლობს როგორც სოფლის მეურნეობის სამინისტროსთან და მის დაქვემდებარებაში არსებულ უწყებებთან, ისე ფერმერებთან, კოოპერატივების წევრებთან და ატარებს  მხარდამჭერ კამპანიას სოფლის მეურნეობის დარგის პოპულარიზაციისთვის.

შეხვედრაზე აღინიშნა, რომ  ხუან ხოსე ეჩანოვე აქტიურად იყო ჩართული სოფლის მუერნეობის დარგის სტრატეგიის შემუშავებაში და სამოქმედო გეგმის ჩამოყალიბებაში.  მას ასევე დიდი წვლილი მიუძღვის დონორთა კოორდინაციისა და საქართველოს  სოფლის მეურნეობისთვის  ევროპული ქვეყნებიდან მხარდაჭერისა და დონორთა მოზიდვის საქმეში.

საქართველოში ევროკავშირის წარმომადგენლობის სოფლის მეურნეობის ატაშემ ხუან ეჩანოვემ მადლობა გადაუხადა პრემიერ–მინისტრს მისი საქმიანობის დაფასებისთვის და თანამშრომლობის გაღრმავების იმედი გამოთქვა.

„ხუანს მართლაც დიდი წვლილი აქვს სოფლის მეურნეობის დარგის განვითარებაში და ის პროგრესი და შედეგები, რაც დღეს არის ამ სექტორში მისი დამსახურებაცაა. განსაკუთრებით გამოვყოფდი რეგიონალურ–საკონსულტაციო ექსტენციის ცენტრებს და კოოპერაციის განვითარებას“, - აღნიშნა სოფლის მეურნეობის მინისტრმა ოთარ დანელიამ შეხვედრის დასრულების შემდეგ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინი „ნულოვანი პაციენტია“, რომელიც ომის იდეას მთელ მსოფლიოში ავრცელებს

გარდაიცვალა პუტინისტი და უკრაინული შოუ „X-ფაქტორის“ ყოფილი მოსამართლე სერგეი სოსედოვი

ირანის საგარეო საქმეთა მინისტრმა ევროპა გააფრთხილა აშშ-სა და ისრაელის მხარდაჭერის შედეგების შესახებ

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა