„მადლობა უფალს ამ განსაცდელისთვის“ - ლევან ჯიბღაშვილს 10 000-ლარიანი გირაო შეეფარდა

2019-04-24 09:50:10, 2018 ნახვა

სამართალი

ნარკოდანაშაულში ბრალდებულ მსახიობს ლევან ჯიბღაშვილს აღკვეთის ღონისძიების სახით 10 000-ლარიანი გირაო შეეფარდა.

პროკურატურა 15 000-ლარიან გირაოს ითხოვდა, დაცვის მხარე კი აცხადებდა, რომ გირაოს ოდენობა სასამართლოს თავად განესაზღვრა.

როგორც ჯიბღაშვილმა სასამართლო პროცესზე განაცხადა, ის გააგრძელებს გამოძიებასთან თანამშრომლობას.

„ძალიან დიდი მადლობა უფალს ამ განსაცდელისთვის. ძალიან ბოდიშს ვუხდი პირველ რიგში, ჩემს ოჯახს და სრულიად საზოგადოებას ასეთი სიტუაციის გამო. ძალიან დიდი მადლობა თითოეულ ჟურნალისტს, რომელმაც თუნდაც ერთი წუთი დაუთმო ამ თემის გარშემო ატეხილ ამბავს“, - განაცხადა ჯიბღაშვილმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან