ეუთო-ს წარმომადგენელი: იმედია, აჭარის მაუწყებლის დამოუკიდებლობა შენარჩუნდება

2019-04-18 17:40:37, 2028 ნახვა

კომენტარი

ეუთოს წარმომადგენელი მედიის თავისუფლების საკითხებში ჰარლემ დეზირი იმედს გამოთქვამს, რომ აჭარის საზოგადოებრივი მაუწყებელი დამოუკიდებლობას შეინარჩუნებს.

შესაბამისი განცხადება დეზირმა Twitter-ის საკუთარ გვერდზე გაავრცელა.

„თვალს ვადევნებ ამბების განვითარებას, რომელიც აჭარის საზოგადოებრივი მაუწყებლის, ნათია კაპანაძის მიმართ არსებულ უკმაყოფილებას ეხება. იმედია, მაუწყებელი გააგრძელებს თავისი მნიშვნელოვანი მოვალეობის შესრულებას და მისი დამოუკიდებლობა იქნება შენარჩუნებული“, - წერს ჰარლემ დეზირი.

ცნობისთვის, საზოგადოებრივი მაუწყებლის აჭარის ტელევიზიისა და რადიოს მრჩეველთა საბჭოს ორმა წევრმა, ირაკლი დარცმელიძემ და გიგა ჩხარტიშვილიმა, დირექტორის ნათია კაპანაძის იმპიჩმენტის საკითხი დააყენეს. აღსანიშნავია, რომ თუ 5-წევრიანი ბორდიდან სამი წევრი ნათია კაპანაძის წინააღმდეგ ხმას მისცემს, მოქმედ დირექტორს თანამდებობის დატოვება მოუწევს.

I follow developments surrounding a complaint against Ms. Natia Kapanadze, Director of public broadcaster Adjara TV and Radio in #Georgia. I hope that the broadcaster will continue to fulfil its important public service mandate, and that its independence will be maintained.
— OSCE media freedom (@OSCE_RFoM) 18 апреля 2019 г.