თბილისის ზოოპარკის ადმინისტრაცია სოციალურ ქსელში აგვრცელებულ ინფორმაციას ეხმაურება, რომლის თანახმადაც ზოოპარკის ტერიტორიაზე ე.წ. „ლევი ცხოველები“ იყვნენ. 

როგორც ადმინისტრაციაში ირწმუნებიან, ზოოპარკს აღურიცხავი ცხოველი არ ჰყავდა და არც ეყოლება. 

„პირველ რიგში ჩვენთვის გაუგებარია კონკრეტულად რას უნდა გულისხმობდეს ეს ტერმინი. თუმცა, რასაც არ უნდა ნიშნავდეს, თავის მოცემულობაში აბსურდულია იმ მარტივი მიზეზის გამო, რომ ზოოპარკს არ ყავდა, არ ჰყავს და არც ეყოლება აღურიცხავი ცხოველი. როგორც გვესმის, „ლევი ცხოველი“ გულისხმობს ზედმეტი ოდენობის არარეგისტრირებულ ცხოველის ყოლას რაღაც კონკრეტული მიზნით (შესაძლო მიზნებზე ქვემოთ მოგახსენებთ). ეს უნდა ნიშნავდეს, რომ ცხოველი (მაგ. ვეფხვი ან ლომი, რომელსაც დღეში 7-8 კგ ხორცი სჭირდება) უნდა არჩინოს კონკრეტული ადამიანის „ჯიბემ“, რადგან საკვებით ზოოპარკის მომარაგება ხდება მკაცრად რეგლამენტირებული ნორმების მიხედვით, შესაბამისი დოკუმენტაციით და მთლიანად პროცესი არის რეგულირებული საქართველოს კანონით შესყიდვების შესახებ“, – ნათქვამია განცხადებაში. 

ზოოპარკის ადმინისტრაციაში აცხადებენ, რომ  „ლევი ცხოველის“ ყოლა ნიშნავს მათი კონტრაბანდული გზით გაყიდვას, თუმცა, მათივე თქმით, ფართოდ გავრცელებული მტაცებლების „შავი ბაზარი“ არ არსებობს.
„ისმება კითხვა, რისთვის შეიძლება ვინმეს დასჭირდეს ზედმეტი ე. წ. „ლევი ცხოველის“ ყოლა? ერთადერთი თეორიული აზრი შეიძლება იყოს მათი კონტრაბანდული გზით გაყიდვა. მოგახსენებთ, რომ ზოოპარკებში მსხვილი და ფართოდ გავრცელებული მტაცებლების „შავი ბაზარი“ უბრალოდ არ არსებობს, რადგან ეს ჩვეულებრივი და არაიშვიათი ცხოველები (მგლები, დათვები, ლომები, ვეფხვები და ა.შ.) ყველა ზოოპარკში სწორი მოვლის შემთხვევაში კარგად მრავლდება და მსოფლიო ზოოპარკების თავსატეხია მომატებული რაოდენობების გამო. სწორედ ამიტომაა გავრცელებული ზოოპარკებში მათი სტერილიზაციის პრაქტიკა (ჩვენი ლომების ნაწილი სტერილიზებული იყო, ხოლო დანარჩენ მტაცებლებს სპეციალური კაფსულა ჰქონდათ იმპლანტირებული, რომელიც აფერხებდა გამრავლებას). იტოვებენ გარკვეული ოდენობის მწარმოებლებს, მკაცრად კონტროლირებად ნამატს კი ზოოპარკები ერთმანეთს შორის ცვლიან ან ერთმანეთს უსასყიდლოდ გადასცემენ ევროპის ან მსოფლიო ზოოპარკების და აკვარიუმების ასოციაციის საშუალებით. ასევე ხდება ცხოველების გაყიდვაც და ეს პროცესი რეგულირდება სხვა საერთაშორისო ორგანიზაციების (მაგ. CITES, კონვენცია იშვიათი სახეობებით და მათი ნაწილებით ვაჭრობის შესახებ) და, რაც მთავარია, მთავრობების მკაცრი რეგულაციით/ზედამხედველობით. ამ ფონზე, ვერავინ დაასახელებს ზოოპარკების ან კერძო პირების (თუნდაც კოლექციონერების, რომელთა ცხოველებიც ასევე აღრიცხულია ქვეყნების შესაბამისი ორგანოების მიერ) იმ რაოდენობას, რომელიც შავ ბაზარს ქმნის. ასევე ძნელად წარმოსადგენია დიდი მტაცებელი ცხოველის საზღვარზე უჩუმრად გაყვანა. ეს ნიშნავს, რომ ან ჩვენი საბაჟო სისტემა სრულიად ბრმა ადამიანებისგან შედგება, ან ის ჩართულია კონტრაბანდაში, რაც აბსოლუტური აბსურდია. რაც შეეხება იშვიათ სახეობებს, რომლებიც ნამდვილად შეიძლება იყოს არალეგალური ვაჭრობის საგანი (განსაკუთრებით მათი ნაწილები - მარტორქის რქა, სპილოს ეშვი ან ტყავები). მოგახსენებთ, რომ თბილისის ზოოპარკში ამგვარი სახეობებიდან იყო და არის თეთრი მარტორქა და ინდური სპილო. ისინი საბედნიეროდ გადარჩნენ და იმყოფებიან თავიანთ ვოლიერებში. გარდა ამისა, იშვიათი სახეობებიდან გვყავდა ქოჩორა გიბონი და 2 სიამანგი, რომლებიც სამწუხაროდ დაიხრჩვნენ. ძნელია იმ ადამიანის წარმოდგენა, რომელიც სერიოზულად ფიქრობს, რომ ზოოპარკს შეუმჩნევლად შეეძლო  „უჯრაში ყოლოდა დამალული“ თეთრი მარტორქა, ინდური სპილო, გიბონი ან სხვა „ლევი“ ზემოხსენებული ცხოველი“, – აცხადებენ ზოოპარკის ადმინისტრაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება