პარლამენტის თავმჯდომარის ირაკლი კობახიძის ინფორმაციით, ვენეციის კომისიის დასკვნა, რომელიც უზენაესი სასამართლოს მოსამართლეების შერჩევის წესს შეეხება, ხვალ გამოქვეყნდება. 

როგორც კობახიძემ განმარტა, კომისია ინფორმაცირებულია შემჭიდროებული ვადების შესახებ და კანონრპეოქტის კენჭისყრაზე გატანა დასკვნის გამოქვეყნების შემდეგ მოხდება. 

„ვენეციის კომისია არის საქმის კურსში ვადებთან დაკავშირებით, ვთხოვეთ ამ კვირაში დასკვნის წარმოდგენა, იმისთვის, რომ პარასკევამდე მოგვესწრო ამ კანონპროექტის მიღება. შესაბამისად, ჩვენ ხვალისთვის ველოდებით დასკვნას კანონპროექტთან დაკავშირებით , ეს არის მათი დაპირება, რაც მოგვცემს საშუალებას, რომ პარასკევამდე სრულად ავსახოთ მათი რეკომენდაციები კანონპროექტში. ველოდებით დასკვნას და ამის შემდეგ იქნება კანონპროექტის მიღება“, - განაცხადა კობახიძემ.

კითხვაზე - რატომ ჩქარობს საპარლამენტო უმრავლესობა მათ მიერ ინიცირებული კანონპროექტის მიღებას, კობახიძემ განმარტა, რომ უზენაეს სასამართლოში ამ დროისთვის მხოლოდ 10 მოსამართლეა, ივნისში კი, მათი რაოდენობა 8-მდე შემცირდება.

პარლამენტის თავმჯდომარის თქმით, სწორედ ამ მიზეზით კანონპროექტის მიღება 2 კვირის წინ სურდათ, თუმცა მისივე მტკიცებით, ვენეციის კომისიის დასკვნას ელოდებიან.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მრავალწლიანი ტყუილებისთვის ბოდიშს ვიხდით – უნგრეთის საზმაუმ საინფორმაციო გადაცემა შეაჩერა

თბილისის აეროპორტი: ჩვეულ რეჟიმში ვოპერირებთ, მხოლოდ 3 რეისი გადამისამართდა

პაპუაშვილი – იუნკევიჩიენეს მოასინჯინეს ნიადაგი ქართულ ეკლესიაზე თავდასხმისთვის, ახლა მნიშვნელოვანია მკაცრი რეაქცია

ბოჭორიშვილი: საქართველოს წინააღმდეგ საერთაშორისო ინსტიტუტების პოლიტიკური მიზნებისთვის გამოყენების მცდელობები გრძელდება