„ქართული ოცნების“ უმრავლესობას უნდოდა, რომ სკოლაში გამოცდები არ გაუქმებულიყო“, - ასე აფასებს ფრაქცია "ნაციონალური მოძრაობის" თავმჯდომარე რომან გოცირიძე სკოლებში გამოსაშვები გამოცდების გაუქმებასთან დაკავშირებით კანონპროექტის ჩავარდნას.

მისი თქმით, უმრავლესობის წევრებმა ღილაკების არევა უბრალოდ მოიმიზეზეს.

„ქართული ოცნების“ უმრავლესობას უნდოდა, რომ სკოლაში არ გაუქმებულიყო გამოცდები, მაგრამ ხვალ თითს დაუქნევენ და იძულებით განსხვავებულად უყრიან კენჭს. ასეთ შემთხვევაში იგონებენ თავის მართლების მეთოდს, ორიოდე კვირის წინ ეს იყო ღილაკები, ვერ განასხვავეს მწვანე და წითელი, დღეს აკუსტიკას დააბრალეს. მათ ავიწყდებათ, რომ წინ გვაქვს უზარმაზარი ეკრანი, დისპლეი, სადაც ყველაფერი იწერება, კანონის დასახელება, ვინ არის ავტორი, რამდენი ხმა უნდა ამ კანონის გატანას. ასე, რომ ყველა ინფორმაცია, ხმის გარეშეც კარგად ჩანს ეკრანზე. მომავალში იტყვიან, რომ ეკრანი ანათებს ცუდად, ვიდრე რამე არ უეშმაკიათ და გაუფუჭებიათ შედით შეამოწმეთ“, - განაცხადა გოცირიძემ.

შეგახსენებთ, პარლამენტმა მთავრობის საკანონმდებლო ინიციატივა, რომელიც სკოლებში გამოსაშვები გამოცდების გაუქმებას ითვალისწინებდა, მესამე მოსმენით კენჭისყრის დროს ჩააგდო. საკითხი, რომელიც განათლების, მეცნიერებისა, კულტურისა და სპორტის სამინისტრომ დაჩქარებული წესით გამოიტანა, მხარი 54-მა დეპუტატმა დაუჭირა. კანონის მისაღებად კი, 63 დეპუტატის მხარდაჭერა იყო საჭირო.

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”