პარლამენტის პლენარულ სხდომაზე სიტყვით გამოსვლისას, თავდაცვის მინისტრმა თავდაცვის უწყების სამხედრო და სამოქალაქო პერსონალზე ზრუნვა თავდაცვის უწყების ერთ-ერთ მთავარ პრიორიტეტად დაასახელა.

ლევან იზორიას განმარტებით, თავდაცვის სამინისტროს მიერ გატარებული გონივრული პოლიტიკითა და  მთავრობის მეთაურის მხარდაჭერით, სამინისტროს  პერსონალისთვის სხვადასხვა სოციალური პროგრამები განხორციელდა.

„შევძელით ის, რომ მოვამატეთ ხელფასები 100 დან 500 ლარის ფარგლებში, წოდებების შესაბამისად. ამ პროცესს მომავალშიც გავაგრძელებთ. მარტო წელს,  8000 სამხედრო მოსამსახურე გაუმჯობესებულ ხელფასს მიიღებს. დასავლეთ საქართველოში, ქუთაისში, როგორც ეს გვქონდა აღმოსავლეთ საქართველოში, გავხსენით სამხედრო ჰოსპიტალი. ასევე, 2017-18 წლებში, კომისიის ფარგლებში, რომელიც  ძირითადად სოციალური, ფინანსური და სამედიცინო  დახმარებებისთვის არის შექმნილი, გავეცით 1378 დახმარება, როგორც სამხედრო მოსამსახურეებისთვის და ასევე მათი ოჯახის წარმომადგენლებისთვის“, - აღნიშნა იზორიამ. 

მან სამხედრო მოსამსახურეების წინაშე საცხოვრებელი ფართებით დაკმაყოფილების შესახებ კონტრაქტით გათვალისწინებული ვალდებულებების შესრულების საკითხზეც გაამახვილა ყურადღება: „ჩვენ ვასრულებთ ვალდებულებას 2020 წელს. ეს პროცესი 2013 წელს დაიწყო, რომელიც სამხედრო მოსამსახურეების კონტრაქტით გათვალისწინებული ბინებით უზრუნველყოფას უკავშირდება. როგორც გითხარით, წელს ბინას 260 სამხედრო მოსამსახურე მიიღებს. ხოლო, 2020 წელს- დარჩენილი 500 სამხედრო მოსამსახურე და ამით, 2013 წელს დაწყებულ პროცესს 2020 წელს დავასრულებთ“.

ლევან იზორიამ დაჭრილ-დაშავებულ სამხედრო მოსამსახურეების სოციალური მხარდაჭერის მნიშვნელობაზეც ისაუბრა და განაცხადა, რომ წლის ბოლოს, წეროვანის რეაბილიტაციის ცენტრი დაჭრილ სამხედრო მოსამსახურეებს განახლებული სახით მოესახურება.

(NS)

ავტორი: ექსპრესნიუსი,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”