2019-04-01 17:39:39, 1523 ნახვა

---

რატიანი „ლიბერალიზმის“ ამოღებაზე: „ოცნება“ დასავლურ, მათ შორის თანამედროვე ქართული ცნობიერების საფუძველს ებრძვის

 „ქართული ოცნება“ სწორედ იმას ებრძვის, რაც მთელი დასავლური, მათ შორის თანამედროვე ქართული ცნობიერების საფუძველს წარმოადგენს", - ასე შეაფასა „ევროპული საქართველოს“ წევრმა სერგო რატიანმა მმართველი გუნდის ახალი ინიციატივა.

მისივე თქმით, სიტყვა „ლიბერალიზმის“ საფუძველზე ილია ჭავჭავაძეც საუბრობდა.

„ესენი სწორედ იმას ებრძვიან, რაც მთელი დასავლური, მათ შორის თანამედროვე ქართული ცნობიერების საფუძველს წარმოადგენს. ამ საფუძველზე საუბრობდა ილია ჭავჭავაძე და ამბობდა, რომ ლიბერალიზმი არის თანამედროვე ერის, სახელმწიფოს, პიროვნების თავისუფლების და ზოგადად პლურალიზმის საფუძველი“, - ამბობს რატიანი.

ცნობისთვის, განათლების, მეცნიერებისა და კულტურის კომიტეტმა „ზოგადი განათლების შესახებ“ კანონიდან სიტყვა „ლიბერალურის“ ამოღებას პირველი მოსმენით მხარი დაუჭირა. ინიციატივას მხარი 6-მა დეპუტატმა დაუჭირა, ხოლო 2 წინააღმდეგი იყო.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი